Дечко од Данска ги посетил сите држави во светот за 10 години (без авион) - бил и во Дојран и Валандово
- Детали
- среда, 14 јуни 2023
Во период од 10 години, Данецот Тор ги посетил сите држави во светот без авион. Во 2017-та беше и во Македонија, а според објавите на Инстаграм, не останал рамнодушен на нашата кујна. Неговото патување почнало во октомври 2013-та, а завршило пред околу еден месец.
Тор Педерсен од Данска 10 години бил на пат околу светот. Почнувајќи од октомври 2013-та, тој ја посетил секоја држава во светот, и тоа без ниту еден авионски лет.
Данецот патувал со возови, автобуси и бродови и на почетокот сметал дека за овој подвиг ќе му бидат потребни околу четири години. Но, поради пандемијата, но и проблеми со документи во некои држави, Тор се вратил дома дури годинава, односно авантурата му траела 10 години.
Тој го заврши епското патување минатиот месец, кога пристигна со брод на Малдиви. Оттаму треба да се врати во родната Данска.
„Сфатив дека ниту еден човек во историјата ги нема посетено сите држави во светот без авион, па си помислив дека можеби јас ќе имам можност да направам нешто неверојатно. Идејата беше да патувам со јавен превоз секогаш кога е возможно“.
Тор поминувал најмалку 24 часа во секоја држава, а истакнува дека целата авантура повеќе наликувала на маратон отколку патување.
„Голем дел од времето минував на автобуси и возови. Најдолгото возење со автобус траеше 54 часа во Бразил. Најдолгото возење со воз беа пет дена во Русија.
Уживав и 27 дена на брод кои ми дадоа време да читам и да вежба. Тоа беше убаво патување“.
Тор го финансирал патувањето со донации, имал и спонзор, а вели дека имал скромен дневен буџет – околу 20 евра дневно.
Околу една година пред да тргне на незаборавната авантура, Тор се венчал со сопругата Ле. Па, таа трпеливо го чекала десет години да се врати.
Сепак, во овој период успеале да се видат 27 пати – Ле отишла да го посети во неколку држави, вклучувајќи ги Судан, Австралија и Хонгконг.
Иако Тор е пресреќен за подвигот, вели дека му е криво што изгубил драгоцени мигови со сопругата, но и со родителите.
„Пред да заминам, татко ми беше загрижен за мојата кариера. Мислеше дека потоа никој нема да ме сфати сериозно кога ќе барам работа. Кога ѝ кажав на мајка ми, беше како да ѝ кажував дека ќе станам стоматолог – таа пак беше многу горда“.
Продолжува на следната страница...
Би можело да ве интересира:
Препорачуваме
Најчитани неделава
