Лејди Гага буквално го „соблече“ гламурот од себе на Оскари 2023 и настапи без грам шминка во скинати фармерки (фото)

Детали

понеделник, 13 март 2023

„На Лејди Гага не ѝ треба шминка, убав фустан или ужасен костум. Таа е вистински уметник“ – велат дел од нејзините обожаватели на социјалните мрежи откако пејачката го соблече гламурозниот фустан во кој се појави, ја избриша шминката и се облече во скинати фармерки и маица за да настапи на сцената на Оскари 2023.

Постојат повеќе моменти што го украдоа вниманието кај публиката на Оскари 2023. Џон Траволта имаше емотивен говор, а Лејди Гага (36) успеа да ги изненади сите со нејзината драстична трансформација за време на Оскари 2023.

За разлика од големиот број познати личности што на Оскари 2023 дојдоа со своите партнери, пејачката зачекори сама, а на социјалните мрежи масовно се споделува моментот кога таа застана за да му помогне на фотографот што падна на црвениот тепих.

Таа на црвениот тепих како и сите останати се појави во гламурозна тоалета со перфектна шминка, но за да ја изведе песната што беше номинирана за Оскар, пејачката одлучи целосно да „се соголи“.

На црвениот тепих Лејди Гага се појави во тоалета на Versace, а лицето ѝ беше целосно нашминкано.

Нејзината шминкерка Сара Тано, за изгледот била инспирирана од видеото на Роберт Палмер, Addicted to Love, а изгледот на Гага беше наречен Addicted to Blush.

Сепак, пејачката успеа сите да ги изненади сите кога се качи на сцената за да ја изведе песната Hold My Hand од филмот Top Gun: Maverick, којашто беше номинирана за Оскар.

Лејди Гага ја замени гламурозната тоалета за скинати фармерки, а ја избриша шминката на лицето во целост.

На фотографиите што се споделуваат на Твитер може да се забележи со фокус одблиску дека пејачката не се срамеше да ги покаже сите несовршености на лицето.

Нејзините обожаватели веднаш побрзаа да ги споделат своите реакции на социјалните мрежи.

Погледнете дел од коментарите на Твитер:

„Лицето на шминкерот на Лејди Гага, откако таа целосно ја избриша шминката за да настапи.“

„Лејди Гага повторно им покажа дека ќе настапува на Оскарите само ако биде снименa на најнеудобен интимен начин и го сакам тоа кај неа.“

„Можам само да замислам колку луѓе ѝ завидуваа во публиката затоа што ја извади шминката, да се наведне и да ја претера со изведбата, а истовремено да се чувствува удобно.“

„На Лејди Гага не ѝ треба шминка, убав фустан или ужасен костум. Таа е вистински уметник, таква каква што е.“

Б. С. Б. | Црнобело