Роналдо е најплатен со 1,6 милиони долари – Колку пари добиваат познатите за една објава на Инстаграм?
- Детали
- недела, 04 јули 2021
Познатите личности освен тоа што заработуваат во нивните професии, дополнително во последниот период обезбедуваат приходи и како инфлуенсери на Инстаграм. Кристијано Роналдо се најде на врвот на листата со 1,6 милиони долари, а како стојат неговите „колеги“?
Според податоците на компанијата за маркетинг на социјалните мрежи Hopper HQ, напаѓачот на Јувентус и на португалската репрезентација се најде на врвот на листата со заработка од над 1, 6 милиони долари.
Роналдо на неговиот Инстаграм профил има речиси 308 милиони следбеници, а во однос на заработката го турна актерот Двејн Џонсон (The Rock) на второто место.
Оваа листа почна да се објавува од март 2017-тата година, а ова е првпат Роналдо да се најде на нејзиниот врв.
Компанијата анализира повеќе познати и лични податоци за да ја направи листата на најдобро платени познати личности и инфлуенсери на Инстаграм. Кога ги обработуваат податоците тие ја земаат предвид посетеноста на нивните профили, колку често имаат објави, но и бројот на следбеници.
Ѕвездата на франшизата Fast and Furoius, The Rock, во моментов има околу 250 милиони следбеници, а заработува 1,52 милиони долари од само една објава. На третото место е поп-пејачката Аријана Гранде со заработка од 1,51 милиони долари.
На листата на најдобро платени фудбалери се најде само уште еден спортист, а тоа е Лионел Меси, кој пак се најде на 7-мото место. Аргентинецот што има 224 милиони следбеници наплаќа по 1,1 милиони долари со што се најде на седмото место.
Во продолжение 10 славни личности што наплаќаат најмногу од Инстаграм пост (бројот на следбеници е преземен од официјалната листа):
Кристијано Роналдо – 295.984.958 следбеници – 1.604.000 долари
Двејн Џонсон (The Rock) – 242.182.295 – 1.523.000 долари
Аријана Гранде – 240.213.263 – 1.510.000 долари
https://www.instagram.com/p/CP6kQx3lmkF/?utm_source=ig_web_copy_link
Кајли Џенер – 237.603.576 – 1.494.000 долари
https://www.instagram.com/p/CQjQOQJnqdw/?utm_source=ig_web_copy_link
Селена Гомез – 233.494.368 – 1.468.000 долари
Ким Кардашијан – 225.742.794 – 1.419.000 долари
Лионел Меси – 215.727.437 – 1.169.000 долари
Бијонсе – 182.421.189 – 1.147.000 долари
Џастин Бибер – 176.806.227 – 1.112.000 долари
Кендал Џенер – 167.433.486 – 1.053.000 долари
https://www.instagram.com/p/CQpQHjVjcpy/?utm_source=ig_web_copy_link
Б. С. Б. | Црнобело
Би можело да ве интересира:
Препорачуваме
Најчитани неделава
