Додека за Лиам Хемсворт кружат гласини дека ќе се жени повторно, Мајли Сајрус опуштена со драматичен аутфит
- Детали
- петок, 07 мај 2021
31-годишниот Лиам вели дека е подготвен повторно да стане сопруг и дека со новата девојка Габриела Брукс (24) нема драма како со поранешната сопруга Мајли Сајрус.
Мајли Сајрус од својот дом во Лос Анџелес отпатува во Њујорк каде ќе биде музички гостин на „Saturday Night Live“.
28-годишната пејачка беше фотографирана на една од пробите во опуштено издание со драматичен аутфит.
Таа носеше карирано здолниште, мрежести хулахопки, бела подвезица и чевли на платформа со панделка. Нешто вакво само Мајли умее да искомбинира и износи.
Во меѓувреме за нејзиниот поранешен сопруг Лиам Хемсворт (31) кружат гласини дека повторно планира да стапне на лудиот камен, овојпат со својата девојка, моделот Габриела Брукс (24).
„Лиам и Габриела се во сериозна врска. Тие не го презентираат тоа пред јавноста, но нивните семејства и пријатели знаат колку се блиски и дека свршувачката е зад аголот“, вели извор близок до парот, кој додава дека Лиам поминал многу по разделбата со Мајли.
„Тој се угледува на неговите браќа и би сакал еден ден да има долг и стабилен брак. Подготвен е да биде сопруг, само сака да биде уверен во врската со Габриела пред да клекне пред неа и да ја запроси“, додава изворот.
Инаку, Лиам за првпат го поврзаа со Габриела во декември 2019 година, неколку месеци по крајот на неговиот краток брак со Мајли.
Мајли и Лиам се венчаа во декември 2018 година, а официјално по бракоразводната постапка го финализираа разводот во јануари 2020. Пред тоа со прекини се состануваа цела деценија.
Изворот додава дека на Лиам му се допаѓа што Габриела сака да е на страна од рефлекторите за разлика од неговата поранешна сопруга Мајли која обожава скандали.
„Таа не мечтае за внимание и приземјена е. Работите ги чува за себе, исто како и Лиам. Тие се поддржуваат еден со друг и се прифаќаат. Лиам најголемиот дел од времето го минува во Австралија за да биде со неа“, вели изворот.
Прочитајте и Мајли Сајрус тверка, а Лиам Хемсворт се срами од неа - видео на кое се гледа крајот на нивниот брак
Повеќе фотки од Лиам и новата девојка:
С. С. | Црнобело
Би можело да ве интересира:
Препорачуваме
Најчитани неделава
