Анџелина Џоли и Бред Пит – 10 славни разводи што никој не ги очекуваше

Ејми Полер и Вил Арнет

Ејми и Вил се едни од најдобрите комичари во Холивуд и навистина изгледаат како совршен пар. Но, и нивната приказна заврши со развод – тие се венчаа во 2003, а се разделија во 2016-та година.

Тие имаат двајца синови, поради кои се во добри односи, па дури и заедно го поминаа карантинот во САД.

Гвинет Палтроу и Крис Мартин

Бракот на Гвинет и Крис Мартин изгледаше бајковито, но веројатно со текот на времето се оддалечиле еден од друг.

Тие се венчаа во 2003-та, а се разделија во 2014-та. За разводот, Гвинет изјави дека тоа била свесна разделба и дека останале во многу добри односи. Всушност, многупати парот се користи како пример за тоа како се одржува пријателство откако ќе згасне љубовта.

Кели Кларксон и Брендон Блексток

Кели и Брендон се венчаа во 2013-та, а вестите за нивната разделба годинава беа вистински шок за фановите.

Парот беше заедно речиси седум години и заедно имаат две деца – синот Ремингтон и ќерката Ривер.

Амбер Херд и Џони Деп

Поради возрасната разлика, најпрво никој не очекуваше Амбер и Џони да стапат во брак. Кога, пак, го направија тоа, никој не очекуваше да се разделат. Но нивниот развод е еден од најбурните во последно време и двајцата уште се „влечат“ по судови поради обвиненијата на Амбер дека Џони бил насилен.

Анџелина Џоли и Бред Пит

На почетокот јавноста ја мразеше Џоли бидејќи ѝ го „украде“ Бред на Џенифер Анистон, но набрзо тие станаа омилениот холивудски пар.

Тие имаа долга врска и неколку деца пред да се венчаат во 2014-та, но после само две години најавија дека ќе се разделуваат. Џоли и Пит до денес водат битка за старателството над нивните деца.

Спирова С. | Црнобело