Зошто Лејди Гага ја раскина свршувачката со Кристијан Карино?

Детали

среда, 03 април 2019

Дали причината навистина беа гласините за љубовната искра помеѓу Лејди Гага и Бредли Купер?

Лејди Гага и Кристијан Карино ја раскинаа свршувачката на 19-ти февруари, во екот на гласините дека постои романтична поврзаност помеѓу Гага и ко-ѕвездата од филмот „A Star is Born“ Бредли Купер.

За првпат гласини за нивната разделба се појавија кога Гага се појави без огромниот свршенички прстен на Греми 2019.

Парот беше заедно од 2017 година, но што навистина се случи помеѓу нив? Дали навистина вината е во оскаровскиот хит „Shallow“ и лудата хемија помеѓу Гага и Бредли?

Извор близок до пејачката вели дека разделбата нема врска со Купер и дека едноставно не функционирале.

„Врските понекогаш завршуваат. Не постои голема драматична приказна. Немаше да успеат на долги стази. Кристијан не ја третираше Гага многу добро кон крајот на нивната врска затоа таа одлучи да стави крај и се потпре на своите пријатели за поддршка“, изјави тој.

Инаку, Гага во документарниот филм „Five Foot Two“, објавен во 2017, говореше за раскинувањето на претходната свршувачка со Тејлор Кини. Таа изјави дека сите нејзини врски завршувале поради неспособноста на нејзините партнери да се справат со нејзината огромна посветеност на работата. Призна дека срцето ѝ е скршено неколку пати досега поради тоа.

Можеби токму тоа е причината и за нејзината разделба со Карино. Не гласините дека има афера со Бредли, туку преголемата посветеност на нивниот заеднички филм и со тоа, запоставување на приватниот живот.

С. С. | Црнобело