Шакира на суд поради плагијат, а обвинета е и за затајување на данок

Детали

среда, 27 март 2019

Во последно време за името на Шакира постојано се врзуваат скандали, а пред судот таа се појави во скромна монохроматска комбинација.

Шакира се појави на суд во Мадрид за да се изјасни за обвинувањата дека нејзиниот наградуван хит „La Bicicleta“ е плагијат.

42-годишната пејачка не сакаше да коментира пред камерите, само се смешкаше и изгледаше како да ѝ е мило што ќе оди да се соочи со ситуацијата и да си го исчисти своето име. На суд се појави со пејачот Карлос Вивес, со кого заедно го отпеаја хитот.

Тврдењата се дека песната „La Bicicleta“  содржи стихови, ритам и мелодија слични на оние од песната од 1997 година „Yo te quiero tanto“.

Инаку, песната на Шакира доби 2 од 3-те најголеми Греми Латино награди во 2016 година.

Шакира беше поврзувана и со мулти-милионско затајување на данок и треба да се појави на 12-ти јуни на суд за тоа.

С. С. | Црнобело