Опра медитира, Барак секогаш појадува: Кои се утринските ритуали на познатите личности?

Детали

среда, 28 ноември 2018

Славните личности, исто како и сите нас, имаат свои утрински ритуали, без кои денот не може да им започне.

Некои мора да појадуваат, други да се напијат чај наместо кафе, а трети да медитираат или да вежбаат.

На повеќето од нив, распоредот за денот им е добро организиран и прават добар баланс помеѓу кариерата и приватниот живот, како и животниот стил, заради што постигнуваат успех.

Какви се утринските ритуали и навики на познатите личности кои ќе ви послужат како инспирација?

Барак Обама

Барак не е вљубеник во кафето, па наутро сака да се освежи и да го поттикне метаболизмот со шолја зелен чај, сок од портокал и многу вода.

Тој има 2 правила кога станува збор за утринска рутина – не пропушта вежбање и секогаш појадува.

Џенифер Анистон

Актерката важи за ранобудна, со оглед на тоа што секој работен ден се буди во 4.30 наутро и веднаш ги започнува утринските ритуали.

Џенифер го мие лицето со вода и сапун, пие топла вода со лимон, а потоа медитира 20 минути.

Опра Винфри

Опра секое утро го започнува со 20 минути медитација, независно дали е работен ден, викенд или празник.

Таа вели дека седењето во мир ја исполнува со надеж, среќа и радост, а кога се брза, медитира 10-тина минути, но двапати на ден.

Ричард Бренсон

Независно како ќе му се одвива денот, тој се буди околу 5 наутро, вежба и појадува.

Но, најважно од сè наутро му е да помине време со семејството пред да се фати за работа.

Џесика Алба

Сите знаат дека вежбањето наутро е многу ефективно, плус, ако не вежбате наутро, шансите да вежбате вечерта кога сте уморни се уште помали.

Но, за да се натера на утринско вежбање, Алба го прави тоа со пријателките кои ја мотивираат да практикува јога и вежбање, на што таа лично не е голем фан.

Кејт Хадсон

Кејт се расонува со помош на ледена купка, односно користи сад полн со мраз и малку вода, каде го става лицето и се обидува да издржи што подолго.

Со тоа таа се расонува побрзо, а тоа ѝ помага и лицето да и биде помеко и сјајно.

Марк Закерберг

Со цел да не губи време на бесцелни работи како облекување, тој практикува елиминирање на избори.

Па така, тој има 20 идентични сиви маици, со што избегнува да бира што да облече наутро и може да се фокусира на бизнис и попаметни работи.

М. М. | Црнобело