Драми, неверства, насилство: Најнеромантичните врски на славните

Детали

среда, 21 ноември 2018

Убави се, богати и успешни, но тоа честопати како да доаѓа со скапа цена по љубовниот живот.

Така, чистата љубов е заменета со неверства, драми, скандали, па дури и насилство.

Ова се врските кои важат за најнеромантичните помеѓу славните:

Ријана и Крис Браун

На почеток беа прекрасен пар, сè додека Крис Браун не ја нападна и претепа Ријана под дејство на алкохол и како последица на бурна кавга.

Џони Деп и Амбер Херд

По 15 месеци брак, Амбер побара развод од Џони Деп, со образложение дека е склон на алкохолизам и насилство. Тој негираше, но судот сепак одреди да ѝ плати 7 милиони долари на својата бивша сопруга.

Мадона и Шон Пен

На почеток тврдеа дека се работи за љубов на прв поглед и по само неколку месеци заедно, стапија во брак.

Во јуни 1987-ма се проширија гласините дека Шон ја удрил Мадона со бејзбол палка по главата, а во 1989-та година Мадона тврдеше дека ја малтретирал цели 9 часа, под дејство на алкохол.

Кајли Џенер и Тајга

Во рок од 2 години, Тајга и Кајли небројно многу пати се скараа и смирија, а во 2016-та Кајли конечно го остави поради неверство.

Претходно, изнајмила приватен детектив кој ќе го следи и ќе собере доволно докази за изневерувањето.

Мелиса и Џереми Микс

Сопругата на најзгодниот затвореник во светот дозна за неговата афера од папарацо фотки, кога летото 2017-та, додека ја лажел дека е на службено патување, папараците го уловија со Клое, сегашната вереница со која има едно дете.

Роб Кардашијан и Блек Чајна

Веројатно најдраматичната врска на која сме сведочеле последниве неколку години. Роб Кардашијан почна да се гледа со Блек Чајна во 2016-та година, а само неколку месеци подоцна станаа родители.

Врската им беше полна со драми во кои беше вмешано целото Кардашијан семејство, за на крајот, 1 месец по раѓањето на заедничката ќеркичка, парот конечно да се раздели.

М. Д. | Црнобело