Сите зборуваат за скромната венчавка на ќерката на сопственикот на Зара - шестиот најбогат човек во светот

Детали

понеделник, 19 ноември 2018

Марта Ортега, ќерката на таинствениот милијардер Амансио Ортега, шестиот најбогат човек на светот чие богатство се проценува на 63,8 милијарди долари, му го кажа судбоносното „Да“ на Карлос Торет, на интимна церемонија која се одржала во семејната куќа во Галиција.

Викендот за наследничката на кралството „Индитекс“ во чиј склоп се модните брендови Zara, Bershka, Pull&Bear, Stradivarius, Massimo Dutti, Oysho, Zara Home и Uterqüe, бил исполнет со коктел забава и свечена вечера заедно со гостите кои пристигнале од сите краеви на светот.

Русокосата 34-годишна Марта одбрала необична, но нежна венчаница со потписот на модната куќа Валентино, а младенците ги овековечил славниот фотограф Питер Линдберг.

Марта е најмладата од трите деца во фамилијата Ортего, а работи како виш креативен консултант во Зара.

Обожава да јава коњи, а ова е нејзиниот втор брак, откако претходниот брак со познат шпански јавач траел помалку од 3 години, со кого Марта има синче, Амансио Јуниор.

Новиот избраник Карлос Торет и самиот е дел од модниот свет. Тој е син на модниот дизајнер Роберт Торет, а живеел и работел во Њујорк како агент на славните модели како Адријана Лима и Кендал Џенер.

По интимната венчална церемонија на која присуствувале само членовите на семејството и најблиските пријатели, а се одржала во родниот град на нејзиниот татко, Ла Коруња, следувало славје со раскошна вечера.

На свадбата присуствувале околу 400 гости, меѓу кои и многу славни и познати лица, како принцезата Шарлот Касираги, внуката на Аристотел Оназис – Атина Оназис и Џесика Спрингстин, ќерката на Брус Спрингстин, со која Марта ја дели истата страст кон јавањето.

Исто како и нејзиниот татко, и Марта живее мошне повлечено и ги избегнува интервјуата. За неа се знаат навистина малку детали.

Ортега е етикетиран како мошне таинствен бизнисмен кој ретко се појавува во јавноста и уште поретко дава интервјуа. Магазинот Форбс проценил дека тој годишно заработува 400 милиони долари само од дивиденди кои генерално доаѓаат од недвижности кои Ортега ги поседува во сите делови од светот.

(О)Милена | Црнобело