Меган облече сако дизајнирано од Серена Вилијамс - сега веќе е распродадено
- Детали
- четврток, 18 октомври 2018
Кралскиот пар е во официјална посета на Австралија, по обелоденувањето на веста дека војвотката од Сасекс е бремена.
Тие имаат навистина успешна турнеја низ Австралија, но многумина имаа забелешка дека Меган воопшто не се облекувала модерно и впечатливо. Сепак, едно парче од нејзината облека стана навистина премногу барано за помалку од еден ден по објавувањето на официјалните фотографии.
На првото официјално појавување во јавност во Австралија, Меган ѝ оддаде почит на принцезата Дијана, нејзина покојна свекрва, носејќи ги нејзините обетки и алката.
Веќе следниот ден одбрала сако дизајнирано од славната тенисерка Серена Вилијамс, кое веднаш стана апсолутен хит меѓу трендсетерките и модните блогерки.
Серена не можела да одолее и веднаш се пофалила на својот профил на Инстаграм, поставувајќи слика од Меган и Хари, на која во прв план се гледа сакото.
Сепак, тоа се покажало како паметен потег, бидејќи побарувачката за овој модел веднаш пораснала, а продадени се сите достапни парчиња од него.
Неговата цена е 145 долари, што за некои е сосема оправдана сума, за поседување на парче кое го носи Меган Маркл.
Е. Д. | Црнобело
Би можело да ве интересира:
Препорачуваме
Најчитани неделава
