Kако изгледал скромниот дом во кој пораснала Меган Маркл? (фото)

Детали

вторник, 07 август 2018

Сега живее во Кензингтонската палата опкружена со луксуз, но како изгледале нејзините детски и тинејџерски денови?

Меган Маркл во поголемиот дел од животот живеела со мајка ѝ во темен мал стан на вториот кат во срцето на Лос Анџелес и никој не помислувал дека таа децении подоцна ќе стане дел од британското кралско семејство.

Пред да се разведат нејзините родители Дориа и Томас, Меган живеела во семејна куќа со две соби, која исто така изгледала скромно ако се спореди со нејзиниот грандиозен дом сега - Кензингтонската палата, каде таа и принцот Хари имаат свој апартман.

Нејзиниот живот започнува во овој дом заедно со родителите и нејзините полубрат и полусестра со кои денес не е во добри односи, затоа што јавно плукаат по неа во медиумите, велејќи дека отсекогаш глумела кралица која сакала сè да биде по нејзино.

Меган живеела во куќата со 2 спални во населбата Woodland Hills во Лос Анџелес сè до 1983, кога наполнила 2 години.

Потоа Меган живеела во пораскошен дом, но тогаш почнале проблемите кога татко ѝ работел по цел ден и ноќ, а нејзиниот полубрат постојано пушел марихуана.

Родителите на Меган биле во брак од 1979 година и останале заедно само 4 години. По разводот Меган се преселила со мајка ѝ во стан.

Но, иако имала скромни домови Меган посетувала луксузна приватна градинка за која цената за годишно школување била околу 16.000 евра.

По разводот на нејзините родители татко ѝ си купил апартман, па Меган од тинејџерските денови сè до заминувањето на колеџ живеела со него во текот на работните денови, бидејќи апартманот бил блиску до нејзиното средно училиште, иако на моменти имале проблеми во односот. За време на викендите живеела со мајка ѝ.

Нејзиниот нов дом е Кензингтонската палата.

Прочитајте и 10 интересни факти за домот на принцот Хари и Меган!

С. С.| Црнобело