Чудни ритуали со кои ѕвездите веруваат дека привлекуваат среќа

Детали

четврток, 10 мај 2018

Речиси секој од нас има по некој ритуал кој постојано го следи бидејќи верува дека му носи среќа.

Чукање во дрво, или носење накит кој мислите дека ви носи среќа, или пак можеби прескокнување на дупки и заобиколување бандери по патот.

Па, ниту ѕвездите не се исклучок на суеверијата и повеќето од нив имаат чудни ритуали во кои веруваат.

Во продолжение погледнете кои ѕвезди имаат ритуали за кои веруваат дека им носат среќа:

Камерон Дијаз признала дека чука во дрво, иако не се смета за суеверна.

Хајди Клум открила дека со неа секогаш носи торбичка со нејзините паднати заби, но не за да ѝ носи среќа, туку затоа што вели дека е малку откачена.

Џенифер Анистон се плаши да лета, па за да се смири секогаш влегува во авионот со десна нога, а претходно мора да тропне по неговата надворешност.

Серена Вилијамс верува дека среќа на турнирите ѝ носи еден пар чорапи кој го носи на секој меч.

Колин Фарел признал дека на првиот ден на снимањето на филмовите носи исти боксерки, бидејќи смета дека му носат среќа.

Во 2006-та, Хелен Мирен си ги заборавила чевлите за Еми наградите, па се појавила на црвен тепих со евтини штикли кои ги купила од најблиската продавница. Таа година добила награда, а следниот пат кога ги носела истите чевли повторно добила награда. Оттогаш се труди на секоја важна церемонија да ги носи истите чевли.

Меган Фокс открила дека се плаши да лета со авион, а кога мора, таа ја слуша Бритни Спирс, бидејќи верува дека не ѝ е судено да ѝ се случи нешто лошо додека ја слуша Бритни.

Крис Мартин признал дека пред настапите со бендот прави 18 ритуали, а како посебен го истакнува миењето заби, бидејќи во спротивно, не се чувствувал доволно подготвено.

Парис Хилтон следи 2 ритуали - таа чука во дрво секој пат кога некој ќе каже нешто што таа не сака да го слушне и замислува желба секојпат кога часовникот покажува 11:11.

М. М. | Црнобело