Клои Кардашијан со Инстаграм фотка го откри името на детето со Тристан Томпсон
- Детали
- вторник, 17 април 2018
На 12-ти април Клои Кардашијан го роди нејзиното прво дете, еден ден откако во јавност излезе скандалот за неверството на Тристан Томпсон.
Сепак, изгледа тие го надминале тоа, а Клои објави Инстаграм фотка од розова соба полна со балони, на која го откри името на ќеркичката.
„Нашето малечко девојче Тру Томпсон, целосно ни ги украде срцата и преполни сме со љубов. Навистина е благослов што го добивме овој ангел во семејството. Мама и тато те сакаат Тру!“ – напиша таа во описот.
На нејзиниот веб сајт таа сподели и фотографија со сите детали за ќеркичката од раѓањето, на која пишува дека се горди родители.
Како и повеќето имиња на децата во Кардашијан-Џенер семејството, така и ова име Клои го дала со причина, а Крис Џенер го откри значењето на истото во описот на Инстаграм фотка:
„Многу сум возбудена што ја добивме мојата драга мала внука Тру! Интересен факт... Името на мојот дедо од страната на татко ми беше Тру Отис Хаутон... Името на мојот татко беше Роберт Тру Хаутон... Па, многу сум среќна што Клои реши да ја крсти ќерката Тру!“
Целото семејство е возбудено и ѝ посакува добредојде на Тру, а сестрите Ким, Кортни и Кендал се забележани како пристигнуваат во Кливленд за да ја посетат Клои и нивната внука.
М. М. | Црнобело
Би можело да ве интересира:
Препорачуваме
Најчитани неделава
