Побегнале од школските клупи: Славни фаци кои немаат ни средно образование

Детали

среда, 28 февруари 2018

Не постои единствен правилен пат до успехот. Повеќе познати личности и го докажуваат тоа. По признанието со кое холивудската миленичка дигна прашина во јавноста, ги откриваме и преостанатите големи ѕвезди, што налик на неа, со училиштето се збогувале уште од рана возраст.

Со само 27 години, актерката Џенифер Лоренс го достигна во глумата, она што на мноштво холивудски имиња не им успева со децении.

Таа е најмладата глумица со четири номинации за престижната награда Оскар. Една веќе и ја понесе дома. Притоа, Лоренс е меѓу најплатените женски филмски ѕвезди на денешницата.

Сепак, во нејзиниот случај, дипломата нема никаква улога. Напротив. Во шоуто „60 Minutes“, оскаровката неодамна призна дека нема завршено ниту средно училиште. Никогаш не се чувствувала претерано паметна, сѐ дури не почнала да чита филмски сценарија.

„Тоа беше дел од мојот мозок за кој не ни знаев дека постои. Нешто кое ми влеваше сигурност, а од што не сакав по ниедна цена да се откажам. Имав чувство дека ми е пишано да се занимавам со глума. Родителите, пак, мислеа дека сум се мрднала од умот.“, вели Лоренс, која на крајот го послушала својот инстинкт.

Од школските клупи побегнала со само 14 години, по што заминала да го „следи“ својот сон за aктерска кариера во Њујорк. Денес, младата глумица не се кае ни малку за таквата одлука.

„Не, навистина не ми е криво. Сакав сама да си го изградам патот. Го најдов она што ми е желба да го правам, па не дозволив ништо да ме спречи. Со години, ниту пријателите не ми беа толку важни, колку што важна ми беше кариерата.“, тврди Џенифер.

А, кога волјата е силна, резултатите неизбежно ќе пристигнат. Холивудската миленичка се проби на сцената веќе со 20 години, кога со филмот „Winter's Bone“ беше по првпат номинирана за Оскар.

Две години подоцна, таа си замина со златната статуетка од доделувањето на најспрестижните филмски награди, како најдобра главна женска улога во остварувањето „Silver Linings Playbook“. Насловите „American Hustle“ и „Joy“ исто така и донесоа номинации, а покрај нив, препознатлива е и по улогите во филмските серијали „The Hunger Games“ и „X-Men“.

Кои познати фаци ѝ се придружуваат на листата? Ни тие немаат повеќе од основно образование, ама денес се богати и славни, како и особено успешни во професијата со која се занимаваат:

Рајан Гослинг

Ријана

Хари Стајлс

Жизел Бундшен

Џеј Зи

Никол Кидман

Џони Деп

Кетрин Зита Џонс

Даниел Редклиф

Џенифер Лоренс

Џуд Ло

Дру Баримор

 М. А. | Црнобело