Посилна од судбината: Хурем блеска во улогата на самохрана мајка (фото)

Детали

вторник, 13 февруари 2018

Партнерот ја напушти додека беше бремена, но денеска е посилна од кога и да е. Таа навистина ужива во родителството, а заради ќеркичката, сепак се извлече од емотивната бура која ѝ се случи во животот.

Наспроти професионалниот успех што го постигна со улогата на Хурем во познатата турска историска серија „Величествениот“, судбината на актерката Мерјем Узерли (34) ѝ донесе бродолом во приватниот живот.

Меѓутоа, таа сега е среќна самохрана мајка на ќеркичката Лара, па се чини дека тешките времиња ги остави во минатото.

View this post on Instagram

A post shared by meryemuzerlimeryem (@meryemuzerlimeryem)

Малечката деновиве наполни 4 години, а мама ѝ подготви роденден за паметење, одново будејќи го интересот на светските медиуми.

Особено по сите перипетии што ги доживеа на емотивен план, кога привремено се повлече од глумата и јавниот живот, напуштајќи ја својата втора татковина Турција. 

За време на снимањето на споменатата серија, славната Хурем започна љубовна врска со 17 години постариот бизнисмен Џан Атеш, од кого и остана бремена. Оттогаш, сѐ ѝ тргна на лошо.

Како татко на две возрасни деца, плејбојот по ниту една цена не сакал Мерјем да го задржи бебето, па ја принудувал да абортира, сметајќи дека тоа ќе им ја уништи врската. Набрзо и ја напушти, по што глумицата остана сама.

Скршена од болка, таа западна во тешка депресија, па се врати на лекување во родната Германија, каде ја роди и својата миленичка.

Но, девојчето поради кое започнаа сите нејзини проблеми, на крајот успеа да ѝ помогне на мајка си да застане на нозе, како и да ги преброди сите неволји.

Во меѓувреме повторно заплови во љубовните води, ама најсилна врска во животот ѝ е онаа што ја има со сопствената ќерка.

За роденденот, Мерјем ѝ приреди максимално уживање и совршена тематска забава, којашто самата ја организирала.

Како изненадување за својата најголема љубов, таа на гости ѝ ги покани омилените анимирани јунаци, со што посебно ја израдува ќеркичката.

Четиригодишната Лара славеше во друштво на Mики и Мини Маус, додека и двете беа облечени во идентични костими.

https://www.instagram.com/p/BfBXmPcAlfh/?taken-by=meryemuzerlimeryem

Дека Хурем ѝ го посвети животот на ќерката, сведочат и мноштвото објави на Инстаграм, каде таа редовно споделува фотографии од заедничките моменти со Лара:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело