Без влакна на јазикот: Ѕвезди на кои не им е гајле што мислат другите за нив

Детали

вторник, 01 август 2017

Да се живее живот во кој сме свои и не се грижиме кој што мисли за нас е нешто кон кое сите се стремиме.

Познатите личности честопати даваат пример со своите однесувања и можат да влијаат на мислењата на луѓето низ светот. Има такви кои се примерни и одмерени во секоја пригода, а има и такви на кои навистина не им е важно мислењето на другите за нивните животни избори.

Следува листата на познати личности кои не се извинуваат и гласно ги искажуваат своите ставови:

Џенифер Лоренс

Оригинална и секогаш во свој елемент, оваа млада актерка има препознатлив стил на однесување кој некому му е симпатичен, некому не. Но, таа воопшто не се грижи за тоа.

Анџелина Џоли

Најпознатата хуманитарка меѓу славните, освен што изгледа прекрасно, прави и добри дела. Многумина не се согласуваат со нејзините приватни избори, како на пример тоа што ѝ го „украде“ Бред Пит на колешката Џенифер Анистон, но Анџелина се однесува онака како што таа смета дека треба и тоа ѝ успева.

Тајра Бенкс

Познатата манекенка многупати била напаѓана за изгледот, особено за нејзините облини. Но, Тајра ги руши стереотипите за женските тела, па сите треба да ѝ бидеме благодарни за тоа.

Џони Деп

Непоправливото „лошо момче“ многупати било во центарот на големи скандали, а последниот беше со фотографиите на неговата бивша девојка Амбер Херд која го обвини Деп за насилство. Џони не се грижи за тоа што мислат другите за него и секогаш „си тера по негово“.

Лина Данам

Ѕвездата од серијата „Girls“ е позната по своите феминистички ставови и борбата за еднаква плата на мажите и жените. Знае да направи огромни модни утки, но никогаш не пропушта да каже дека изгледот никогаш нема да ѝ биде приоритет.

Роберт Дауни Џуниор

Познатиот актер во минатото имал многу бурен живот – љубовни афери, дрога и алкохол се само дел од неговите пороци. Денес, не се плаши јавно да зборува за зависностите, но и за важни работи поврзани со политичките проблеми во светот.

Меган Фокс

Преубавата мајка на три деца е исклучително искрена на сите интервјуа на кои ќе се појави. Со талентот за актерство ја побива теоријата дека нејзиниот успех се должи само на изгледот.

Џорџ Клуни

Џорџ Клуни е од оние познати личности кои никогаш не сакале да се „провлечат“ само на тоа што се згодни и убави. Актерот не пропушта пригода да зборува за општествената одговорност и секогаш се труди приватниот живот да го стави во сенка на неговата професија.

Мадона

Не постои листа на славни личности кои водат автентичен живот на која нема да се најде поп-кралицата Мадона. Отсекогаш уникатна, на моменти како да живее во свој свет, но никогаш не разочарала кога станува збор за музиката.

Леонардо ди Каприо

Леонардо скоро целиот свој живот е пред камерите, па навикнат е на тоа секој да има мислење за неговите животни избори, особено љубовните врски и тоа што сé уште е ерген. Но, тој никогаш не се оправдувал пред јавноста, а и нема потреба. Лео се грижи за поважни нешта, како на пример глобалното затоплување и сиромаштијата во светот и секогаш се труди да даде позитивен пример кај другите.

Криси Тајген

Преубавата сопруга на пејачот Џон Леџенд, моделот Криси Тајген, привлекува внимание секаде каде што ќе се појави. Брутално искрена и отворена, Криси честопати влегува во конфликти поради своите ставови за кои нема „филтер“. Но, таа воопшто не се грижи за тоа.

М. В. | Црнобело