Мел Би во финансиска криза: Бара пари од пријатели за да си купи куќа

Детали

понеделник, 10 јули 2017

Поранешната членка на Spice Girls почна да бара пари од пријатели, заради нејзините финасиски долгови и скапиот развод од Стивен Белафонте.

Taa оставила огромен депозит за раскошна палата во Лос Анџелес која чини речиси 2 милиони долари. Мел се плаши дека ќе ја изгуби ако не успее да ја доплати преостанатата сума на пари.

Наводно, таа потрошила 38 милиони фунти (околу 50 милиони долари) на скап и екстравагантен живот, а сега бара финансиска помош, со надеж дека нема да изгуби повеќе пари.

Претходно беше изјавено дека таа имала само 961 фунта на сметката од банка, откако го потрошила целото богатство стекнато со поп кариерата.

Непознат извор изјавил: „Добро е познато тоа дека нејзината финансиска состојба не е добра, но ако ѝ пропадне договорот за куќата, ќе биде во уште полоша ситуација“.

„Таа не смее да дозволи да изгуби уште пари. Затоа сега таа бара помош од пријателите, а тие даваат сѐ од себе да помогнат“ - кажуваат изворите.

Мел и поранешниот сопруг се во огромни долгови, а сега се расправаат околу пари и старателство над нивното дете.

М. М. | Црнобело