„Не сакам да верувам дека се пар“: Зошто фановите на Тимоти Шаламе ја мразат Кајли Џенер?

Детали

сабота, 11 јануари 2025

Иако се заедно веќе две години, фановите на Тимоти Шаламе до денес ја критикуваат Кајли Џенер. Некои сметат и дека лажат дека се пар бидејќи не сакале да веруваат дека актерот би се вљубил во „пластична жена“ како ријалити ѕвездата.

Врската на Кајли Џенер и Тимоти Шаламе е дефинитивно една од најмалку очекуваните во светот на шоу-бизнисот.

На почетокот никој не веруваше на гласините, а откако се појавија заедно на настан, многумина беа убедени дека нема да издржат долго.

Но, скоро две години подоцна, актерот и ријалити ѕвездата уште се заедно.

И иако изгледаат среќно, фановите на Тимоти Шаламе имаат само лоши зборови за нивната љубов.

Што знаеме за врската на младиот пар, но и зошто фановите на актерот ја мразат Кајли?

Иако тие немаат откриено, според некои извори, Кајли и Тимоти покажале интерес еден за друг во јануари 2023-та, кога и двајцата биле поканети на ревија за време на Модната недела во Париз.

Имале многу заеднички пријатели, а откриле и дека имаат сличен вкус за музика, па брзо се зближиле.

Тој период Кајли само што стави крај на врската со Тревис Скот со кого има две деца, додека Тимоти подолг период беше сингл.

Почнале да излегуваат, но не планирале ништо сериозно.

Медиумите почнаа да шпекулира за нивната врска во април 2023-та, но тие сепак пробуваа да се скријат од јавноста.

Но, фановите на актерот уште тогаш почнаа да ја критикуваат врската најмногу бидејќи двајцата делуваат како потполно различни личности.

А, и имале навистина различни животи – додека Кајли порасна во раскош и пред очите на јавноста, Тимоти самиот морал да се бори за својот успех.

Уште пред да наполни 20 години, Кајли заработи скоро милијарда долари, секако со претходна помош од нејзиното моќно семејство.

Притоа, како и нејзините сестри, користи филери и различни козметички процедури – уште едно нешто што не им се допаѓа на фановите на Тимоти.

Од друга страна, Тимоти пораснал во релативно скромни услови, барем во споредба со Кајли.

Неговите родители биле дел од забавната индустрија и иако имале солиден приход, биле далеку од богати.

Тимоти почна да го привлекува вниманието на јавноста откако се појави во Interstellar, а стекна светска слава во 2017-та со улогата во Call Me By Your Name.

И, денес, на 27-годишна возраст, важи за еден од најдобрите актери, а му предвидуваат и Оскар на годинешното доделување.

Сепак, неговата популарност не се ни споредува со онаа на Кајли.

Продолжува на следната страница...