На што ги троши Тејлор Свифт милијардите?

Тејлор свири на пијано од 12 години, а благодарение на славата таа поседува голем број инструменти. Сепак, се смета дека најскапото нешто што го поседува е Steinway пијаното од 1913-та година, кое се проценува дека вреди околу 75.000 долари.

Таа исто така има голема колекција на гитари, а во 2023-та година подари два од своите инструменти, со цел да се соберат пари за деца заболени од рак. Двете гитари се продадоа по цена од 120.000 долари.

Во 2015-та година почнаа да кружат гласини дека пејачката ги осигурала своите долги нозе на износ од 40 милиони долари.

Сите знаат дека Тејлор е голем љубител на животните и има 3 мачки. Се верува дека за двете шкотски мачки платила по 1.500 долари за да ги набави и околу 2.500 за Ragdoll мачката.

Но, интересно е тоа што нејзините мачки веќе учествувале во неколку филмови и реклами, па се верува дека едната од нив има вредност од околу 97 милиони долари.

За другите две не се знае точно колку вредат, но сигурно не се далеку од неа.

Уште поинтересно е тоа што се проценува дека нејзиниот дечко, рагбистот Тревис Келце во моментов на сметката има околу 70 милиони долари, што е за околу 30 милиони помалку од нејзината мачка.

Тревис беше фатен на дело кога неговата мајка рече дека натпреварот на Super Bowl ќе го следи од трибините, а потоа сам си призна дека платил 3 милиони долари за ВИП ложа во која беа Тејлор и нејзиното семејство, како и потесното семејство на рагбистот.

Сам си призна дека е скапо да се биде во врска со неа, но популарноста што ја стекна му донесе и многу поголема заработка.

Б. С. Б. | Црнобело