Му ја спаси кариерата, заради неа се откажа од дрога: Љубовта на Роберт Дауни Џуниор и сопругата трае 18 години

Сузан му помогна да се пробие во Холивуд

Поради пороците, Роберт имал лоша репутација во Холивуд, без разлика што е талентиран актер. Но, Сузан не се откажувала од својот сакан, па успеала да му закаже аудиција за филмот Sherlock Holmes.

Во 2008 година, таа била продуцент на филм на Гај Ричи, кој тој период почнал да се подготвува да го режира и Sherlock Holmes.

„Ако Сузан не беше во собата, Роберт веројатно немаше да стане Шерлок Холмс. Таа имаше големо влијание“, изјави подоцна режисерот.

Сузан беше продуцент на филмот, како и на продолжението каде што Роберт ја репризираше улогата.

Актерот редовно ја спомнува во говори

Во 2010 година, актерот освои Златен Глобус за улогата на Шерлок Холмс, а не заборави да ја спомне сопругата, и тоа на шеговит начин.

„Сакам да ѝ се заблагодарам на Сузан Дауни која ми рече дека Мет Дејмон ќе ја добие наградата, па да не се мачам да подготвувам говор“.

Оттогаш, тој ја користи скоро секоја можност да ја спомне и саканата.

Имаат две деца

Роберт и Сузан имаат две деца – синот Екстон Елијас кој се роди во 2012-та, и ќерката Аври Роел која се роди во 2014-та.

Имаат соработувано на многу филмови

Роберт и Сузан имаат своја продукциска куќа и заедно работеа на неколку филмови.

Покрај соработката на Sherlock Holmes, Роберт и Сузан беа продуценти на Sr. – документарец за односот на актерот со татко му.

Тие соработуваа и на филмот Dolittle каде што актерот ја има главната улога, како и на серијата Sweet Tooth.

Во 2023-та ја прославија 18-тата годишнина

И по 18 години брак, Роберт и Сузан не ја кријат љубовта што ја чувствуваат еден за друг.

Важат за познат пар со еден од најстабилните бракови и се доказ дека вистинската љубов може да постои и во Холивуд.

Истовремно, актерот е „чист“ од дрога и алкохол од 2003-та, односно откако ја запознал сопругата.

Всушност на почетокот од нивната врска, Сузан го мотивирала да се откаже од пороците.

„Тој разговор беше најдобриот во мојот живот“, има изјавено актерот.

Спирова С. | Црнобело