7 начини за справување со инфекција на уринарниот тракт без антибиотици

Детали

четврток, 15 декември 2022

Инфекцијата на уринарниот тракт, особено кај жените, е прилично честа состојба. Една од две жени во текот на животот страдала од некој вид на уринарна инфекција. Овие инфекции обично се третираат со антибиотици. Но, дали секогаш треба да се потпираме на нив?

Да, антибиотиците се неопходни кога се работи за инфекција, но тие не се единствениот начин за ублажување на симптомите и лекување на проблемите со уринарниот тракт. Некои мали промени во нашиот начин на живот, во нашите хигиенски навики, како и одредени додатоци во исхраната, можат да направат чуда за здравјето на нашиот уринарен тракт и да ја спречат употребата на антибиотици.

Ајде да видиме кои се тие:

1. Пијте вода

Не е случајно што како прва точка ја ставивме водата. Содветниот внес на вода е клучен за спречување и лекување на инфекции на уринарниот тракт. Водата има својство да го отстранува отпадот од телото и уринарниот тракт. Хидратацијата ја разредува урината, што ја прави побрзо да патува низ системот и ги спречува бактериите да стигнат до клетките што го обложуваат уринарниот тракт. Водата може да послужи и за спречување на појава на уринарни инфекции и за поддршка на третманот. Иако не постојат точно утврдени норми за тоа колку вода треба да се консумира дневно, можеме безбедно да препорачаме внесување на најмалку до 8 чаши вода дневно. Доколку сте физички активни, времето е топло и се потите, добро е да додадете дополнително количество вода и да пиете најмалку 10-12 чаши дневно.

2. Уринирајте често

Честото мокрење врши притисок врз бактериите во уринарниот тракт, а со тоа ги турка надвор и ги чисти од системот. Кога држите урина, бактериите имаат време да се закачат на клетките во уринарниот тракт и да предизвикаат инфекција. А кога често уринирате, бактериите не можат да се задржат во уринарниот тракт и да предизвикуваат непријатни симптоми. Затоа не се „стискајте“! Уринирајте веднаш штом почувствувате нагон.

3. Земете екстракти од билки и овошје

Речиси нема човек кој поминал низ уринарна инфекција a да не знае за благотворните својства на брусницата. Сокот од брусница е еден од најетаблираните природни третмани за инфекции на уринарниот тракт. Но, неодамнешните студии покажуваат дека земањето сок од брусница не е најоптималната опција. Поради поголемата концентрација на екстрактот, капсулите со екстракт од брусница имаат најголема ефикасност. Според истражувањата, тие го намалуваат ризикот од инфекции на уринарниот тракт и до 50%. Брусницата содржи соединенија кои можат да спречат бактерии како што е E.coli да се закачи на уринарниот тракт и да предизвикаат инфекција. Брусницата содржи и антиоксиданси, вклучувајќи полифеноли, кои имаат антибактериски и антиинфламаторни својства.

Брусницата е важна за лекување на инфекции на уринарниот тракт, но дали знаевте дека постојат и други природни екстракти кои се исклучително ефикасни за одржување на здравиот уринарен тракт.

Некои од нив се познати и вообичаени, како белата бреза и мечкино грозје, други не толку, но во комбинација стануваат уште поефикасни. Покрај нашиот добро познат екстракт од брусница, Bucconox содржи екстракти од уште три растенија - бучу, бела бреза и мечкино грозје.

Бучу е јужноафриканско растение, широко познато по своите антивоспалителни и антибактериски својства, кое во 1821 година е регистрирано од Британската фармакопеја како лек за циститис, уретритис и нефритис. Бучу ја ублажува иритацијата на мочниот меур и помага да се ослободи урината, а со тоа го стимулира отстранувањето на вишокот вода од телото.

Екстрактот од листовите од бела бреза има докажано благотворно дејство против бактеријата E. Coli, го поддржува диуретичното дејство и има силно антиинфламаторно дејство.

Лекот за циститис што го користат нашите баби - цариградско грозде, го ублажува честиот нагон за мокрење, како и симптомите на непријатност во уринарниот тракт и бубрезите. Исклучително е погоден за превенција и третман на хроничен повторен циститис.

4. Користете пробиотици

Пробиотиците се живи микроорганизми кои можат да го зголемат не само бројот на добри цревни бактерии, туку и растот на добрите бактерии во уринарниот тракт.

Лактобацилус, кој е група на пробиотици, може да помогне во лекувањето и спречувањето на инфекции на уринарниот тракт. Тие ја намалуваат pH вредноста на урината, што создава неповолна средина за развој на бактерии и го спречува нивното прицврстување на клетките на уринарниот тракт. Пробиотиците може да се земаат во форма на додатоци во исхраната или преку консумирање на следните намирници - јогурт, кефир, кисела зелка и друг ферментиран зеленчук.

5. Внесувајте доволно витамин Ц

Витаминот Ц е антиоксиданс кој помага да се подобри функцијата на имунолошкиот систем. Тој реагира со нитрати во урината за да формира азотни оксиди кои можат да убијат патогени бактерии. Витаминот Ц ја намалува pH вредноста на урината, со што е помала веројатноста дека бактериите во уринарниот тракт ќе преживеат.

Вреди да го поддржиме нашето тело со овој витамин за успешно да се бориме со уринарните инфекции. Но, која е количината на Витамин ц што треба да ја земаме? Препораките наведуваат дека жените од 19 години и постари треба да добиваат најмалку 75 mg витамин Ц дневно. За мажи, препораката е минимум 90 mg на ден. Пушачите треба да земаат дополнителни 35 mg од витаминот дневно.

6. Избришете се од напред кон назад

Една од најчестите причини за инфекција на уринарниот тракт е бришењето кога се користи тоалетот. Неправилното бришење може да внесе бактерии кои вообичаено се наоѓаат во анусот и изметот во уретрата (каналот од каде што излегува урината). Влегувајќи во уретрата, бактериите можат да преминат во други органи на уринарниот тракт и да доведат до инфекции и таму.

Затоа, после мокрењето, секогаш бришете се од напред кон назад за да спречите контакт на бактерии со уретрата. Користете посебни парчиња тоалетна хартија за да ги избришете гениталиите и анусот.

7. Практикувајте добра сексуална хигиена

Запомнете, бактериите живеат во областа околу анусот. За време на сексуалниот однос, овие бактерии лесно може да се пренесат и да предизвикаат уринарна инфекција. Интересен податок е дека инфекциите на уринарниот тракт, како што е циститисот, често се нарекуваат „циститис на меден месец“.

Но, зошто е поврзано со меден месец?

Циститисот често се појавува по првиот сексуален однос на жената, или по период на долга апстиненција, поради што го добива интересното име „циститис на меден месец“. Но, овие две состојби не мора да бидат присутни за да добиете инфекција на уринарниот тракт по сексуалниот однос. Ова може да се случи во секое време, па затоа е добро да се следат некои основни хигиенски правила. Се препорачува внимателно миење на гениталиите и анусот пред и после сексуалниот однос, како и мокрење веднаш по сексуалниот однос. Ова ја прави многу помала веројатноста бактериите да навлезат во уретрата и да предизвикаат инфекција.

Инфекциите на уринарниот тракт се чести, а игнорирањето дури и на најблагите симптоми може да доведе до компликации. Статистиката покажува дека во околу 80% од случаите овие инфекции стануваат хронични и дури и ако прибегнеме кон антибиотици, потребно е долг период за нивно контролирање. Важно е да научите да користите понежни и природни методи на лекување и, се разбира, да и верувате на превенцијата.