MOZZART е тука и за дамите – нова опрема за суперлигашот ЖРК Шампион!

Детали

сабота, 03 декември 2022

Компанијата Mozzart продолжува со својата регионална акција за поддршка на спортот и локалните спортски клубови. Во рамки на кампањата „Нови дресови за нови шампиони“ компанијата обезбеди комплетна спортска опрема за македонскиот ракометен суперлигаш ЖРК Шампион.

Речиси да не постои област во државата каде Mozzart-овиот хуманитарен караван не ја посетил и поделил опрема на локалните клубови. Повеќе од 100 спортски колективи добија опрема од компанијата, а последниот кој застана во редот е клубот од Скопје кој игра во најквалитетното ракометно друштво и има четири победи по девет кола.

„Донирањето на опрема многу им значи на нашите девојки, ова им е дополнителен ветер во грб пред продолжението на борбата за подобри резултати во Суперлигата. Драго ни е што Mozzart ја препозна добрата работа во нашиот клуб и одлучи да не поддржи, а ние како колектив ветуваме дека ќе се обидеме да постигнеме уште подобри резултати во следните натпревари од шампионатот“, велат од таборот на ЖРК Шампион.

И покрај фактот што опремени се преку 100 клубови, акцијата на Mozzart тука нема да застане. Опремата ќе пристигнува секој месец на адресите на фудбалски, кошаркарски, ракометни и други екипи од цела Македонија, што ќе им биде своевидно еден мотив да се стремат кон повисоки пласмани и резултати во натпреварувањата.

Оваа акција не е новост, туку одамна е позната во регионот, каде повеќе од 6.500 спортисти добија нови дресови од компанијата Mozzart.