Најефикасен избор за претстојната сезона за греење – современите мулти-сплит системи на GREE

Детали

вторник, 06 септември 2022

Еден од најсовремените и најчесто користени системи за климатизација во денешни услови е мулти-сплит системите. Овие системи најчесто се применуваат за климатизирање на повеќе од една просторија, а притоа температурата во секоја просторија независно да се подесува.

Климатизерите со мулти сплит системи имаат неколку внатрешни единици поврзани со една надворешна единица. Внатрешните единици може да се монтираат на ѕид, на подот, како касети за таван, во преградни уреди и се поврзани преку цевководи за ладење и кабли со единствената надворешна единица. Токму затоа, овој систем е одлична алтернатива за канален систем во случај кога просторот на покривот или под подот е ограничен.

Во Македонија овие систем се користат веќе 7 години, инсталирани во згради кои што зимно време се греат, а летно време се ладат со овој систем. Искуствата на корисниците се позитивни од повеќе аспекти, најмногу од економичноста на ваквите системи, инсталација со заштеда на простор, лесно и флексибилно инсталирање и независна контрола.

Современата технологија и метод употребен во овие системи, создаваат многу предности од нивното користење. Единствената надворешна единица може лесно да напојува до 4 внатрешни уреди истовремено, но клима уредот останува енергетски ефикасен и кога работи со една внатрешна единица со оптимален капацитет. Освен енергетската ефикасност, климатизерите со мулти-сплит систем лесно се инсталираат и се исклучително мирни.

Секоја внатрешна единица може да се управува и контролира независно, како вклучување и исклучување, температурно подесување, движење на воздухот, сите функции на внатрешниот уред може да се управуваат од нивниот сопствен безжичен далечински управувач.

Тоа што повеќе внатрешни единици може да се поврзат на еден надворешен уред наместо на неколку надворешни единици, уште дава поголема разновидност на инсталацијата и заштеда на просторот. Поради можноста за поголема должина на цевките, мулти-сплит климатизерите често се инсталираат во големи структури и на неколку катови.

Предводник во оваа технологија е Gree а посебно затоа што мулти-сплит системите на Gree работат и на ниски температури што е карактеристично за овие клими, а потребно во наши услови. Заради ова, голем број градежници во колективните станбени објекти го инсталираат овој систем како решение за цела зграда. 

Производите на Gree се карактеристични по имплементацијата на најновите технолошки пронајдоци и иновации за енергетска ефикасност и за заштеда на искористената енергија, а тука спаѓаат и мулти-сплит системите, кои се истакнуваат со мултифункционалноста и големата економичност. Заради ваквите карактеристики, клими на Gree со мулти-сплит систем но и инвертери и традиционални, се инсталирани во скоро 100 000 објекти низ Македонија или секоја трета клима во земјава е Gree.