Дознајте зошто Philips SpeedPro Aqua 3 во 1 му е потребна на секој дом!

Детали

понеделник, 17 мај 2021

Ја тестиравме новата стик правосмукалка Philips SpeedPro Aqua 3 во 1 и се уверивме во нејзините беспрекорни перформанси.

Чистотата на домот е секогаш приоритет, особено кога на патот стојат предизвици како што се домашните миленици, мебелот и непристапните агли. За да ви помогнеме во мисијата за почист дом, ја тестиравме најновата Philips SpeedPro Aqua 3 во 1 стик правосмукалка, која е лесна за употреба, заменува повеќе уреди и е неверојатно ефикасна.

Во следните неколку точки ќе го сумираме нашето искуство со овој производ!

Отпакуваме – Љубов на прв поглед и допир!

Производот пристигна во препознатливото пакување на Philips и на прв поглед се вљубивме во неговиот дизајн. При првиот допир сфативме дека станува збор за супер лесна правосмукалка што дополнително нè освои. Со неа доаѓаат и практичните додатоци, но она што нè прави нестрпливи да започнеме со нејзино користење е тоа што е безжична.

Вклучуваме – Веднаш подготвена за акција!

Со притискање едно копче, Philips SpeedPro Aqua 3 во 1 веќе ни е на располагање. Немавме потреба да ја полниме батеријата бидејќи веќе беше полна. Веднаш ја ставаме во функција! Ракувањето со неа е навистина лесно. Дизајнот е приспособен за користење, но и за лесно складирање. Време е да го започнеме првиот „танц“.

Чистиме – Брзо и моќно дури и на непристапните места!

Батеријата е моќна и во ниеден момент не ја губи силата на вшмукување, а брзината на поминување на просторот прави чистењето за првпат да биде уживање. На тешко пристапните места, како што се површината под креветот, нискиот мебел, високите агли на ѕидот, конечно им пристапуваме со леснотија.

При користењето на функцијата за суво чистење, голем впечаток ни остави млазницата со радиус на вшмукување од 180^о. LED-светилката ни покажа колку, впрочем, имало „невидливи“ нечистотии. Само треба да го наполниме резервоарот со вода и може да започнеме истовремено и со влажно чистење. Подот „светна“ за миг. Дамките се чистеа со леснотија, додека, пак, кај оние „поцврстите“ само притиснавме на педалата AquaBoost и тие веќе беа минато. Конечно се уверивме во вистинското значење на функцијата 3 во 1 со користењето на мини-турбо четката со која го исчистивме мебелот и неговите рабови, а тука ни дојде и идејата дека ова би било идеално за чистење на внатрешноста на автомобилот.

Најдобриот пријател на човекот – Тоа е Philips SpeedPro Aqua!

Љубовта кон домашните миленици не познава граници! Иако тие важат за најголеми пријатели на семејствата, чистењето на нивните влакна знае да биде проблем. Но, со мини-турбо четката на SpeedPro Aqua ги исчистивме лесно и ефикасно. Брзината со која го исчистивме домот е двојно пократка од онаа на која сме навикнати. Па така, ни остана време за дружење и за игра со миленикот во чистиот дом.

Нашиот тим едногласно ја донесе одлуката дека ова е производот што му е потребен на секој дом. Лесна е за користење и за складирање, а заменува повеќе уреди и овозможува чистење на непристапните места.

Ова е нашето позитивно видување „црно на бело“ за новата Philips SpeedPro Aqua 3 во 1 стик правосмукалка!