Нов лик за спортскиот комплекс во Аеродром – Вредна донација од Mozzart за општината

Детали

вторник, 24 декември 2024

Старото и дотраено игралиште во Аеродром доби целосно нов лик. Реконструираниот спортски комплекс свечено беше пуштен во употреба, a благодарение на Mozzart, жителите добија ново место каде ќе можат да се дружат,спортуваат и рекреираат.

Новиот и модерен спортски комплекс ќе биде омилено место на многу генерации.

„Голема благодарност до компанијата Mozzart што излезе во пресрет на нашите барања за реконструкција на овој мултифункционален спортски терен каде младите генерации ќе можат да спортуваат”, изјави В.Д Градоначалникот на Општина Аеродром, Дејан Митески

Реконструираното мултифункционално игралиште е наменето за фудбал, ракомет и одбојка. Саниран беше и постоечкиот терен за кошарка, поставено е и ново осветлување како и клупи и канти за отпадоци. Кога станува збор за развојот на спортот и спортскиот дух, лидерот во приредување игри на среќа е секогаш тука да ја даде својата поддршка и помош.

„По барање на Општина Аеродром, целосно го реконструиравме спортскиот комплекс. Ни преставува задоволство што токму нашата компанија беше одбрана да биде дел од оваа убава приказна. Со добра соработка успеавме за краток временски период да дадеме еден целосно нов лик на игралиштето и со тоа донесеме радост и среќа на жителите на оваа населба, љубители на спортот. Кога нешто ќе почне и ќе заврши убаво, дефинитивно треба да се повтори, така да подготвени сме за уште вакви и слични проекти во оваа локална самоуправа”, изјави Ивана Стефановска Крстевска од Mozzart.

Ова е еден од најголемите проекти кој Mozzart го реализираше оваа година но воедно и најава за сето она што ќе следи во новата 2025.