Адинг ги награди децата на вработените на ликовен конкурс: „Работното место на мојот родител“

Детали

среда, 20 ноември 2024

По повод „Светскиот ден на детето“ Адинг додели награди и признанија за „Најдобар цртеж од децата на нашите вработени“.

Конкурсот беше интерно организиран во компанијата, во периодот од 25.10. до 08.11.2024. на тема: „РАБОТНОТО МЕСТО НА МОЈОТ РОДИТЕЛ“.

Тричлена комисија ги оцени пристигнатите цртежи и определи 6 од нив како наградени во две возрасни категории, првата до 8 години и втората од 9-14 години.

Доделени беа дипломи, а паричните награди ќе се искористат наменски за поддршка на дополнителни воншколски активности на наградените деца. За останатите учесници подготвени се благодарници и комплети за ликовно творење.

„На овој начин ја стимулираме детската имагинација и ги поддржуваме децата на вработените, во активностите за психо-физички развој преку дополнителни воншколски активности. Како и секогаш, детската креативност изненадува и не ве остава рамнодушни. Уживавме во целиот процес.“- вели Раде Јанков, маркетинг менаџер во Адинг.

АДИНГ е компанија за производство на градежна хемија, која е во јубилејната 55 година од нејзиното постоење.