Отворен ден во Бимилк: Граѓаните се информираа за врвниот квалитет на млечните производи

Детали

вторник, 19 ноември 2024

На одбележувањето на Светскиот ден на квалитет, компанијата традиционално ги отвори вратите за заинтересираните граѓани, со цел да се запознаат со целиот процес на производство на млекото и на млечните производи, но и да се едуцираат за меѓународните стандарди за квалитет што Бимилк ги применува во секојдневниот производен процес.

Интересот на верните потрошувачи кои сакаа од прва рака и од врвни професионалци да научат за целиот процес на производство и контрола на млекото и млечните производи, беше голем. Тие се интересираа и добиваа одговори на сите прашања за работењето на најголемиот млекопроизводител на македонскиот пазар и во однос на широката палета производи на Бимилк. Дел од посетителите беа и студентите од Биотехничкиот факултет, кои се едуцираа за напредните процеси и стандарди што ги применува Бимилк во постигнувањето на квалитетот на производите.

Целта на компанијата е преку отворениот ден граѓаните да се уверат во квалитетот на производите кои секојдневно ги консумираат, но и да ги дегустираат производите кои досега немале можност да ги пробаат или пак се нови на пазарот.  

„Најголемата конкурентност на еден производ произлегува од квалитетот, тоа е она што ние го правиме, низ целиот процес, од фарма до трпеза, и тоа е изворот на нашата конкурентност. За да биде овој процес комплетно заокружен, од исклучителна важност е и транспарентноста и директната комуникација со нашите потрошувачи, кои се мотивот за нашата работа. Оттаму е и заложбата потрошувачите да бидат запознаени во целост со начинот и контрола на производството, за тие да стекнат уште поголема доверба во домашните производи кои секојдневно ги консумираат. Впрочем, од нивните желби и потреби започнуваат сите деловни процеси и активности во поглед на развојот, модернизацијата и стандардизацијата на производството“, изјави Александра Гроздановска, менаџер за контрола на квалитет и животна средина во Бимилк.   

Познавајќи ја важноста и сложеноста на процесот на одржување на квалитет, Бимилк традиционално, секоја година, го одбележува Светскиот ден на квалитет преку различни активности, често организирајќи слични отворени денови за сите заинтересирани граѓани, факултети и образовни центри, фирми и бизнис-партнери, со цел да им овозможи на своите купувачи запознавање со процесите на производство и контрола.

Со традиција уште од 1952 година, Млекара АД Битола е најголемиот производител на млеко и млечни производи во земјава, задоволувајќи ги секојдневно потребите на повеќе од милион потрошувачи.