Скопска игранка во Лабораториум на 13 ноември

Детали

четврток, 07 ноември 2024

Културно едукативниот центар Лабораториум ги поканува жителите на Скопје од сите генерации, на новото, празнично издание на „Старата скопска игранка.“ Влезот е слободен за сите.

Овој 13 ноември,  Лабораториум организира низа активности за прославување на денот на ослободување на Скопје. Како загревање, во 19 часот преку „Скопскиот квиз“ водителот Никола Наумовски ќе го „тестира“ знаењето на гостите за главниот град. Победникот ќе биде награден со 10 гратис пијалоци на игранката.

Веќе од 20 часот, во халата на Лабораториум,,  ќе започне главниот дел на прославата наречен Скопска игранка. Диџеите Зоран Ингилизов и Влашки ќе ги разиграат гостите со најубавите стари македонски шлагери и светски хитови од 50, 60, 70 и 80 години на минатиот век. За уште поубаво одбележување на празникот, учениците од ОУ „Лазо Трповски“ ќе имаат  изложба на цртежи на тема „Колку го сакаме Скопје“.

Освен забавниот, оваа прослава ќе има и хуманитарен карактер. Лабораториум заедно со академското друштво „Делта Му Делта“ при Универзитетот Американ Колеџ Скопје, ќе организира и акција за донации во соработка со граѓанската организација „Конект“.

• Датум: 13.11.2024
• Локација: Лабораториум
• Почеток: 19 часот.
• Влез: Слободен