Ново Хип хоп GTA „возење“ во Лабораториум

Детали

вторник, 05 ноември 2024

Култната GTA забава на 09.11 сабота во 20 часот, ќе го има своето трето издание во организација на Funky Fresh & Skopski Groove и Лабораториум.

Големата хала на Лаб ќе се трансформира во улиците и клубовите на виртуелните градови San Andreas и Vice City и ќе биде  домаќин на BIGru и Paja Kratak од Белград. Специјални гости ќе бидат Valid и DJ Head од Детроит, Tkach од Ваљево, DJ Alex Mark, а локална поддршка ќе се добро познатите DJ Goce, Chvare, Double G, Strajk и Vlashki.

GTA SKOPJE е тематска забава која влече инспирација од легендарните игри Grand Theft Auto. Организаторите, како големи обожаватели на франшизата, по трет пат го миксаат сетингот на GTA со најдобрите хип хоп и фанк звуци.

Билетите се веќе во продажба во Лабораториум по цена од 700 денари. На вечерта на  самиот настан цената ќе изнесува 900 денари.

Покровители на настанот се: Скопско Smooth, Smirnoff, Тиквеш винарија и Комерцијална банка.

Датум: 09.11.2024

Локација: Лабораториум