БИМИЛК сребрен партнер на 45-тото издание на ИФФК Браќа Манаки 2024: Пронајдете го вашиот Баланс на филмскиот фестивал

Детали

вторник, 24 септември 2024

Како сребрен партнер на годинешниот Интернационален фестивал на филмската камера Браќа Манаки, БИМИЛК ја носи својата креативна енергија преку брендот Баланс+, кој е синоним за добробит и совршен баланс во секојдневието. Преку оваа уникатна соработка, Баланс+ e дел од секој кадар на фестивалската магија, исто како што тој е дел од секој ваш ден.

Со мотото „Секој ден потребен“, Баланс+ се вклучува во фестивалските активности, инспирирајќи ги посетителите да го пронајдат својот баланс во брзото секојдневие. Посетителите ќе имаат можност да уживаат во корнерите кои ќе ги создаде Баланс+ и да се инспирираат за подобар, поздрав живот додека ги следат најдобрите кинематографски остварувања од целиот свет.

Фестивалот Браќа Манаки го слави уметничкиот дух и филмската уметност, а со Баланс+, оваа година ја славиме и здравата, балансирана исхрана – секој ден, на секоја филмска проекција.

Поддршката на културата и создавањето богато културно наследство се особено значајни за Бимилк. Партнерство со Манаки уште еднаш ја потврдува стратешката определба да биде одговорна компанија која активно учествува и придонесува во сите значајни општествени случувања и ја поддржува македонската култура и филмска уметност.