Каква магија се подготвува во МНТ?

Детали

среда, 20 декември 2023

Бевме на една од пробите на новата музичко-театарската претстава „Необичен ден“ која во МНТ ја подготвува ОХО продукција за проектот на Стопанска банка АД - Скопје „Сонуваме. Менуваме.“

Тоа што го видовме, а без да ви откриеме премногу, е навистина магично и буди посебни чувства. Претставата е збогатена со нова музика која одлично е вклопена во сценариото, а сцената е вистински визуелен спектакл. Сето ова, надополнето со добро познатата актерска екипа на „5+ фамилија“ од која дел се и актерите со попреченост, ни дава можност да го доживееме овој „необичен ден“ и да го паметиме долго.

Иако е детска претстава, пораката е универзална за сите возрасти и остава простор за понатамошна дискусија на темата инклузија на лицата со попреченост во секојдневието.

Со нетрпение ја очекуваме вечерашната премиера и реакцијата на целната група (децата) и посакуваме голем успех на претставата и многу изведби на сцената.

Линк до термините за претставата „Необичен ден“.

Режија: Дејан Пројковски

Актери: Сања Арсовска, Ана Јовановска, Игор Ангелов, Ѓорѓе Нешковиќ, Марјан Наумов, Дамјан Цветановски, Изабела Јакимова, Матеа Јанковска и Марина Поп Панкова.

Автори: Сања Арсовска и Билјана Крајчевска

Костимограф: Maрија Пупучевска

Сценограф: Валентин Светозарев

Кореограф: Олга Панго