Како да го намалите ризикот од дијабетес?

Детали

среда, 01 ноември 2023

Дијабетесот тип 2 се карактеризира со покачени нивоа на глукоза во крвта и инсулинска резистентност. За разлика од тип 1, каде што телото не произведува инсулин, лицата со дијабетес тип 2 се првенствено отпорни на инсулин, што значи дека нивните клетки не реагираат правилно на инсулинот.

Повеќе од 462 милиони луѓе глобално се погодени од дијабетес, а бројките се зголемуваат од година на година. Поради високите нивоа на инсулинска резистенција и нездравиот начин на живот, дијабетесот тип 2 станува сè позначаен проблем.

Иако генетиката може да игра улога во ризикот од дијабетес тип 2, начинот на живот и исхраната се двата најзначајни фактори кои можат да влијаат на нашата веројатност за развој на оваа состојба. Сепак, добрата вест е дека постојат конкретни чекори што можете да ги преземете за да го намалите ризикот од дијабетес тип 2.

Со донесување на свесни одлуки во изборот на храна и со вклучување на специфични производи во вашата дневна рутина, можете да преземете значителни чекори за да го заштитите вашето здравје.

На пример, започнете го денот со чинија овесна каша, и тоа без додаден шеќер. Целозрнестите житарки како овесот имаат низок гликемичен индекс, што значи дека тие постепено ослободуваат енергија, помагајќи да се стабилизира нивото на шеќер во крвта.

Истражете ги слатките алтернативи, ако имате желба за сладок оброк,  заменете го белиот шеќер со стевиа. Стевиата е природен засладувач кој нема да го зголеми шеќерот во крвта. Користете го во утринското кафе, чај, па дури и за вашите десерти.

Вклучете храна богата со растителни влакна во вашите оброци, како што се целото овошје, зеленчук и леб од цели зрна. Влакната помагаат во регулирањето на шеќерот во крвта и помагаат да се чувствувате сити, спречувајќи прејадување.

Кога уживате во вашите здрави крекери, искомбинирајте ги со намази направени од авокадо или хумус наместо алтернативи со многу шеќери. Овие намази обезбедуваат есенцијални хранливи материи без додадени шеќери кои можат да придонесат за дијабетес.

Не заборавајте и да останете хидрирани, водата е од суштинско значење за целокупното здравје и може да помогне во регулирањето на нивото на шеќер во крвта. Избегнувајте слатки пијалоци и одлучете се за вода, билен чај или незасладени пијалоци.

Комбинирајте ги вашите здрави навики во исхраната со активен животен стил. Вклучете се во активности во кои уживате, како што се планинарење или спортување, за да ја контролирате вашата тежина и да ја подобрите чувствителноста на инсулин.

Брзото темпо на живот, одржувањето здрава исхрана и нормална тежина отсекогаш било предизвик! Опции за пронаоѓањето на удобни, здрави и хранливи оброци постојат.

До нас е дали ќе ги практикуваме секојдневно! Бидејќи грижата не почнува кога здравјето ни алармира дека нешто не е во ред, туку со здравата исхрана и превенција. Овие едноставни прилагодувања на вашата исхрана може да доведат до поздрава иднина, без дијабетес.