Огромна посетеност на Детската трка на Виталиа во Градскиот парк

Детали

понеделник, 25 септември 2023

Виталиа ги оправда очекувањата на 1200 деца пријавени на Детската трка што се одржа во Градскиот парк но и на сите присутни што ги поддржуваа дечињата на овој настан. Паркот беше полн со забава, смеа и детска радост а сите учесници добија и пакети од производите на Виталиа.

“Се надеваме дека на овој начин дадовме добар пример како една компанија треба да ја развива својата општествена одговорност и да поттикнува здрави навики од најмала возраст. Бевме пријатно изненадени од големиот број на пријавени, но особено сме задоволни што имаше голема посетеност и присуство на настанот. Како што и најавивме, би сакале овој настан да прерасне во традиција.” – изјавија од Виталиа.

Трчањето за децата во оваа ера на дигитализација, денес, не само што е забавна активност, туку е и неопходност. Здравиот начин на искрана во комбинација со физичка активност е сигурен рецепт за добар раст и развој на децата. Иако трката се одржа во Градскиот парк во Скопје, меѓу пријавените и посетителите имаше од сите краишта на Македонија. Пораката одекна силно и всушност тоа и беше поентата на овој настан, да има само победници, а сите деца добија медали. Трката беше надгледувана од модератор и екипа од самата организација, кои им помагаа на малите натпреварувачи да се распоредат и да го најдат патот до целта.

Оваа иницијатива на Виталиа, го погоди сензибилитетот и очекувањата на своите корисници, ја постигна целта заеднички да се активираме, а истовремено понуди многу забава за сите присутни. Децата беа мотивирани, а на настанот беше забележителна разиграноста, раздвиженоста и целокупната активност на сите присутни. Важно е да се создаваат и негуваат здравите навики уште од најмала возраст, физичката активност е неразделив сегмент кога станува збор за здравјето и телото.