Македонскиот бенд „Номад“ на Astibo Jazz Festival во Штип, на 19-ти септември

Детали

четврток, 07 септември 2023

Номад е нов македонски бенд формиран во 2021 година. Бендот прави преработки на македонски народни песни во progressive rock/fusion варијанти. Целта на бендот е да се зачува и негува македонската традиционална музика.

„Ние сакаме да им ја доближиме македонската музика на луѓето, преку наши преработки на сплотени два спротивни жанра и да ги пренесеме емоциите и приказните кои живеат во нашите срца”.

Номад во моментот работи на своја авторска музика а нивниот водечки мотив се токму примесите од традиционалната песна.

Бендот го сочинуваат:

• Мима Младеновска – вокал
• Христијан Ивановски – гитара
• Јован Цветковиќ – пиано
• Иван Ивановски – бас
• Андреј Николов – тапани

Нашиот прв настап во јавноста беше на Гитаријада Куманово, а продолжуваме со Astibo Jazz Festival во Штип. Тука ќе ја претставиме нашата прва авторска песна насловена „Душевен плод”.

За сите кои што сакаат да не слушнат нека го посетат фестивалот на 19 септември каде што ќе настапи и Влатко Стефановски.