Скопските бадникари засадија 30 млади стебла даб по повод 30 години постоење

Детали

понеделник, 28 ноември 2022

Скопските бадникари слават 30 години постоење и активност во рамките на нивната заложба за зачувување и негување на традициите на нивниот сакан град.

На јужните падини на Водно во месноста Говрлевска Краста каде што со години собираат бадникови гранчиња што ги делат пред Соборниот Храм Свети Климент Охридски на 6-ти јануари во пресрет на Бадник и големиот Христијански празник Божик, со помош на луѓето од Општина Сопиште, стручни совети и помош од Коле Василевски од земјоделскиот факултет најпрвин е извршена опсежна подготовка на теренот кој е мошне каменит и специфичен и активниот ангажман на бадникарите од сите генерации 30 млади стебла даб беа посадени и полеани со првата капка вода.

Сето ова како и секогаш помина во атмосфера на смеа и огромно расположение, а заврши со жестока капка и во најдобар ред-како што доликува.

Целата иницијатива со активен придонес и учество беше на почесниот член на Одборот и поранешен Кум Љупче Николовски.