Театар Комедија започнува со работа - во какви услови ќе се изведуваат претставите?

Детали

среда, 03 февруари 2021

По долга пауза насмевките повторно ќе ни бидат сервирани на сцената на Театар Комедија. Во која претстава ќе можеме да ги гледаме Атанас Атанасовски, Тино Костадиновски и останатите актери од овој театар?

Театар Комедија објави дека ги отвора вратите за посетителите, во согласност со протоколите.

На 4 и 5 февруари (четврток и петок) на големата сцена во Театар Комедија ќе се изведува претставата „На отворено“ во режија на Андреј Цветановски (играат: Атанас Атанасовски, Тино Костадиновски, Сергеј Димовски и Тони Денковски).

Поради актуелната состојба, билетите за овие две изведби ќе може да се резервираат само телефонски во билетарницата на Театар Комедија и да се подигнат порано.

Во театарот се обезбедени сите услови за безбедно следење на претставите. Поради специфичноста на протоколите, одговорните од театарот замолуваат да бидете навремени за подигнувањето на билетите и сместувањето во публика.

С. С. | Црнобело