Македонската гејмерска елита на А1 Game Fest 2020: Успешно помина кругот на квалификации

Детали

вторник, 15 декември 2020

Успешно помина првата фаза од A1 Game Fest 2020. На квалификациите кои се одиграа изминатиот викенд, на 12-ти и 13-ти декември, на A1 Game Fest 2020 учествуваа 96 тимови и 128 индивидуални играчи или вкупно 416 играчи.

По завршувањето, следните тимови одат на големиот настан во живо кој ќе се случи на 19-ти и 20-ти декември.

Во фортнајт доминираа тимовите RageQuitters, Lmntorius, Leonid и skitOFF, додека во League of Legends за финалето ќе се борат тимовите Nincit Omnia и Reborn eSports, а за трето место тимот Junaci со тимот Brotagonists1G.

Од индивидуалните натпреварувања во FIFA21 се квалификуваа четирите финалисти Амет Шабани, Ален Кеховиќ, Ардит Шеки и Игор Тодоровски, а во Tekken 7 овој пат имаме winners round во која играат RFD Spades со Rogue_Identity и RFD|Yamato со Renion, додека во losers round ги имаме RFD|HELLINHO|ARENA Esport против Brimstone и PsyMaki против Mux.

Термините за финалните натпревари се: на 19-ти од 11:00 се игра Tekken 7, а од 15:00 ќе се игра League of Legends, додека следниот ден, на 20-ти декември, од 11:00 ќе се игра FIFA21, а од 15:00 ќе се игра Fortnite. Во текот на двата дена ќе се презентираат костимите за Cosplay натпреварот, а победникот ќе се прогласи во недела на крајот на настанот.

Оваа година квалификациите се одржаа онлајн, додека пак финалните натпревари на најдобрите тимови и играчи ќе се одвиваат во живо, без публика под строго определени мерки и протоколи за заштита од COVID-19.

Сите натпревари ќе бидат проследени со коментатори за секоја игра посебно, а директен пренос може да се следи на Facebook и Instagram профилите на А1 Македонија, како и на GG.MK.

Со уште побогат фонд на парични награди, многу изненадувања и подароци за онлајн публиката, ова издание е чекор поблиску до светските е-спорт настани. Сите детали поврзани со натпреварите можете да ги прочитате на A1 Game Fest | Facebook

Традиционално, трета година по ред, компанијата А1 Македонија, во соработка со GG.MK, се организатори на најочекуваниот е-спорт настан во земјата.