Сите скандали на српскиот избор за Евросонг: Реквизит падна врз пејач, водител си даде отказ во знак на револт

Маја зад сцената ја туркаа во количка и таа пред својот настап изјави дека е сигурна во својата победа и дека ќе оди во Базел, Швајцарија, каде што годинава ќе се одржува Евросонг 2025.

На сцената се појави со нога во гипс, под терапија, и иако беше сигурна во себе, не го криеше разочарувањето од „поразот“.

„Јас знаев дека ќе се случи ова, луѓе, знаев. А народот е со мене. Па дали е логично да пишува Србија, да се појави нашето знаме, а на сцената да излезат чичковци од 140kg и толкави трепки? Трепки колку три мои очи!

Супер за нив, ама Србите се луѓе кои веруваат во Бога. А јас паднав на Сретение, скршив три коски. Изгледа Господ не сакал да учествувам“ - кажа таа кога си заминуваше од салата.

И Наташа Којиќ беше разочарана што не влезе во финале, иако за изборот дојде од Америка.

Таа во зелената соба цело време седеше сама, а твитерџиите се шегуваа на нејзина сметка и лапсусот што го направи.

„Во 2003 имав 17 години, потоа бев на изборот тука и во 2004-та, кога имав 20 години...“ - кажа таа.

Уште поразочаран беше нејзиниот татко, пејачот Драган Којиќ Кеба, кој изјави дека ќе ги „тужи организаторите, бидејќи на Наташа ѝ се украдени гласови“.

Интересно е и тоа што Наташа, која има преку 480.000 следбеници на Инстаграм, се вклучи во живо од зелената соба, но нејзиниот „лајв“ го гледаа само 26 луѓе.

Во финалето не влегоа ни „Тропико бенд“ кои важеа за едни од фаворитите на публиката.

Уште еден изведувач за чиј настап се зборува е оној на Стефан Здравковиќ, познат како Принц од Врање.

Откако беше најавен неговиот настап, сцената остана црна десетина секунди, а Стефан дури потоа се појави и почна да ја пее својата песна „Мила“.

Иако се чинеше дека станува збор за техничка грешка, подоцна дознавме дека паднал еден од реквизитите, односно полумесечината на која тој седи на почетокот на песната, поради што организаторите морале веднаш да ја „закачат“ и да се осигураат дека тој не е повреден.

Пред настапот на Стефан, нашата екипа поразговара со него, а тој за CRNOBELO.com рече:

„Јас ја избрав песната и некако свесно влегов во тоа, решив да испеам нешто што најмногу го чувствувам во овој момент. А баладата е нешто што најдобро го пеам.

Темата, пак, е она што е актуелно во мојот емотивен живот. Па откако ‘избришав’ две песни, ‘Мила’ беше некој логичен избор“.

Погледнете ја неговата изјава:

Прочитајте и Највпечатлив настап на српскиот избор за Евровизија: 6 дрег кралици ги поделија мислењата по влезот во финале

А. Ј. | Црнобело 

фото: И. Стошиќ / принтскрин Јутјуб