„Can’t remember to forget you“на Шакира и Ријана и „Air ballon“ на Лили Ален се новите хитови

Денес е ден за премиери. Два големи хита на светската музичка сцена, „Can’t remember to forget you“ на Шакира и Ријана и „Air ballon“ на Лили Ален.

Едната е моќен дует на двете најсексапилни пејачки Шакира и Ријана, кои одлично се надополнуваат вокално и прават песната да звучи навистина сензуално.

Се чувствува нивната енергија низ ритамот кој навестува уште поатрактивен видео запис кој со нетрпение се очекува. Оваа песна е првиот сингл од новиот албум на Шакира.

За нејзината соработка со Ријана во магазинот „Glamour“ таа изјавила: „Да се работи со Ријана е утопија. Таа е најсекси жена на планетата. На крајот од денот двете сме Карипски девојки. Хемијата е толку добра и толку реална.“

Вториот промовиран сингл за кој се претпоставува дека ќе биде вистински хит е „Аir ballon“од новиот албум на уникатната Лили Ален.

Девојката која со својот специфичен музички стил и саркастичен призвук, навистина знае да освои и да допре особено до оние пребирливите.

Слушнете ги двете нови песни кои беа промовирани денес

Шакира и Ријана

Лили Ален