Подобро ќе е! 5+ Бенд шири позитивна енергија со нова песна (видео)

Сега кога е најважно да се задржи оптимистичкиот дух и да ги прифатиме промените како предизвик за менување кон подобро, на радио станиците прозвучи новата песна на 5+ Бенд.

Новата песна насловена како ‘Подобро ќе е’ испраќа токму ваква порака низ пријатна мелодија и текст што мотивира да ги промениме работите кај себе, особено оние за коишто секогаш тврдевме дека немаме време.

Меѓу другото, песната ја најавува новата 6-та сезона од детската ТВ серијата „5+ Фамилија“, која ќе започне со емитување во пресрет на новогодишните празници.

Како што често вели Петко, главниот позитивист и протагонист на 5+ Фамилија - другарки и другари запејте силно заедно со 5+ Бенд и знајте: Подобро ќе е!

;

Следете ги 5+ Фамилија на Facebook и Instagram за сите новости.

Препев и адаптација на текстот: Билјана Крајчевска, Билјана Црвенковска

Продуцент: Мите Димовски. Снимено во студио „Тра ла ла“