Култни ликови од серии за кои без престан може да зборуваме

Речиси секоја серија е пропратено со интересни моменти и ликови на кои долго време се сеќаваме. Тоа не мора да е секогаш главен лик, во комбинација влегуваат и пропратни ликови, чии животни приказни се прилепуваат до нас и со нетрпение чекаме да ги гледаме новите епизоди. 

Се разликуваат и жанровски, од фантастични и хорор серии, па сè до трилери и комедии. Многумина од тие култни ликови, освен што се тука да нè забавуваат со нивното дејствување нè инспирираат да преземеме нови животни потфати, да се соочиме со тешкотиите кои ни се испречуваат на пат или едноставно да најдеме начин и да продолжиме понатаму.

Сите што гледале Friends знаат дека Phoebe Buffay е уникатен лик. Таа е чудесна со интересен живот пред да се запознае со нејзината „банда“. Во многу случаи го покажува своето големо срце и им дава поддршка на пријателите кога имаат потреба од тоа.

Кога ќе помислиме на серијата Stranger Things, навистина сме изненадени колку приказната и ликовите ни го привлекоа вниманието, а голем дел за тоа придонесе и ликот на Eleven. 

Девојка со избричена глава и натприродни моќи. Секогаш на страна да ги одбрани своите пријатели, овој лик се рангира меѓу еден највпечатлив карактер на сите времиња.

Ликот на Tony Soprano од серијата The Sopranos многумина го паметиме. Посебно кога знаеме дека станува збор за гангстер кој има убиено многу луѓе и сфаќа дека треба да посети терапевт, но не може да открие ниту една тајна.

Daryl Dixon од The Walking Dead е еден од водечките ликови на серијата, препознатлив е со неговиот самострел, кожниот елек и мотор. Никој не плаче толку гласно кога ќе изгуби некој близок, а неговите нежни моменти со Керол само ја отсликуваат големината на неговото затворено срце.

FBI агентот, Dale Cooper од серијата Twin Peaks е уште еден незаменлив лик од светот на сериите. Тој е човек кој е љубител на пита од цреша и многу кафе, а ние заедно со него ја истражуваме смртта на Лора Палмер и со текот на времето сфаќаме дека тој е многу повеќе од ексцентрична фаца, каква што само Дејвид Линч може да создаде.

Списокот ќе го завршиме со еден антихерој или познат како Dexter Morgan од истоимената серија Dexter, кој убива луѓе кои веќе имаат сторено злосторство. Овој социопат истовремено се претставува и како сериски убиец и како шармантен сопруг и татко.

Автор: Х. Е. | Црнобело