10 филмови со изопачени сериски убијци

Доколку сакате напнати дејствија чија приказна е замрсена и сложена, тогаш вистинскиот избор за вас се филмовите во коишто главните ликови ги толкуваат сериски убијци.

Базирани на вистински приказни или работени според популарни романи, веруваме дека во листата ќе пронајдете нешто според вашиот вкус:

Child 44 (2015)

Тајниот полициски агент Лео Дамидов губи сè што има во животот бидејќи одбива да поверува дека неговата жена Раиса е предавник во Советска Русија. Протерани во изолирана провинциска област, Лео и Раиса се здружуваат со генералот Нестеров во обид да го пронајдат серискиот убиец на млади момчиња.

The Killer Inside Me (2010)

Мрачен и вознемирувачки трилер со дејствие кое се одвива во Тексас. Кога синот на локалниот могул е откриен мртов покрај телото на претепана проститутка, сомнежот паѓа на заменик шерифот.

The Silence of the Lambs (1991)

Вистинско филмско ремек-дело без кое не може да помине ниту една листа со филмови за сериски убијци. Кларис Стерлинг е најдобриот студент на ФБИ и има задача да го интервјуира затворениот сериски убиец, опасниот доктор Ханибал Лектор, со цел да му влезе во трагата на друг сериски убиец.

I Saw the Devil (2010)

На осамен и мрачен пат, таксист пронаоѓа уплашена и заглавена жена во расипано возило. Кога нејзината глава е пронајдена во локалната река, емотивно уништениот свршеник кој е искусен таен агент има само една задача – да го пронајде и казни убиецот на неговата сакана.

Zodiac (2007)

Во доцните ’60-ти и ’70-тите години во Сан Франциско владее страв и хаос поради серискиот убиец кој се нарекува себеси Зодијак. Група детективи и новинари се здружуваат заедно со цел да го пронајдат убиецот кој постојано праќа шифрирани пораки и мистериозни повици.

https://www.youtube.com/watch?v=7wCqac6-ySY

Продолжува на следната страна...