Моника С. Арсова: „Се разбудив од операција и си помислив ‘Мојата ќерка Никче да ме види без штаките’“

Детали

петок, 14 февруари 2025

„Како мало дете кога проодува, така и јас со страв и нецелосна доверба ги правам сега првите чекори без штаки, по операцијата. Му благодарам на мојот херој, на мојот доктор професор Виктор Камнар и на сите добри луѓе кои донираа за мене“, вели Моника Стошиќ Арсова.

Моника Стошиќ Арсова имаше операција кај проф. д-р Виктор Камнар и ѝ се оствари долгоочекуваниот сон, поради донациите од хуманите луѓе од Македонија кои ѝ ја овозможија оваа операција, таа сега ќе може конечно да оди без штаки.

Моника користeла штаки и помагала за движење повеќе од 10 години и конечно доби можност со операција да се ослободи од нив. Таа е мајка на малата Ника и конечно може наместо штаките да ја држи ќерќичката за рака.

Кај Моника била дијагностицирана аневризмална коскена циста, промена настаната како резултат на повреда, која настанала пред повеќе од 10 години кога Моника играла професионално ракомет.

После долги години рехабилитации, вежби, користење на различни помагала, Моника добива можност со хируршка интервенција конечно да заборави на сето тоа и самата да застане на нозе.

Операцијата била единствена шанса за решавање на проблемот и Моника го доживеа остварувањето на својот сон, благодарение на хуманите Македонци.

За ова искуство Моника на нејзиниот Фејсбук профил вели:

„После многу чекање, после толку мисли, убави и неубави, после минување низ процесот на собирање средства за операцијата, сакам да ве поздравам и да ви кажам дека се случи.

Операцијата траеше околу 5-6 часа, барем така ми кажаа, а кога се разбудив само си помислив: „Мојата ќерка Никче да ме види без штаките“.

Сите болки, непријатности, сите така да ги наречам трауми, кои ги поминавме јас и моето семејство во сè ова што се случуваше, ќе кажам само се исплатеше!

Јас сум добро, силна како и досега, иако сега доаѓа потежок период за мене, но знам дека со верба во Бога ќе помине и ова.

Продолжува на следната страница...