Може ли да погодите кој е најскапиот автомобил во светот?

Бугати направи еден примерок од нивните спортски автомобили целосно од карбонски влакна и истиот е веќе продаден за 11 милиони евра на анонимен ентузијаст на автомобили.

Автомобилот со име La Voiture Noire (црн автомобил) беше претставен на Саемот за автомобили во Женева. Цената не е официјално потврдена, но Бугати открија дека автомобилот е купен за 11 милиони евра без вклучен данок, односно 16,7 милиони евра со данок.

Претходно, рекордот за најскап автомобил го држеше Rolls-Royce Sweptail, којшто беше продаден приближно за 12,8 милиони долари со данок.

Најскапиот автомобил има мотор со 16 цилиндри, поставен во тело целосно изработено од карбонски влакна. Секоја компонента од автомобилот е рачно обликувана од овој материјал којшто придонесува за длабок и темен сјај.

Дизајнот е инспириран од класичниот автомобил Bugatti Type 57, креиран од синот на основачот Еторе Бугати, Жан Бугати во 1930-ти години.

(О)Милена | Црнобело