Volkswagen Amarok - подвижна дискотека!

Брендот Volkswagen Комерцијални Возила претстави DJ верзија од прекрасниот пикап со моќен аудио систем од 5000 вати.

Брендот Volkswagen Комерцијални возила го претстави Амарок „Power" на брегот на езерото Wörthersee со цел да обезбеди мобилен аудио систем за секоја пригода: Благодарение на големиот товарен простор, пикапот кој е 5,25 метри долг има доволно простор за целата опрема која што е потребна забавата веднаш да започне, како што започна забавата на GTI средбите.

Целата опрема е флексибилна, лесно се пренесува, а диск џокејот може лесно да ја монтира и да ја обезбеди било која локација со моќен звук од 5.000 вати.

Возилото е обоено во металик сива боја со сјајни и мат акцентирани делови, сиви ретровизори и големи 22-инчни тркала и пневматици со димензии 295/35.

Сопирачките се видно забележливи и обоени се во портокалова боја, дополнително тука се и хромираните детали кај би-ксенон светлата како и хромираните детали на двојните завршетоци на издувниот систем.

Во внатрешноста, Amarok Power има спортски седишта обложени со Nappa кожа, а управувачот има црна алкантара кожа и карбонски детали.

На крајот она што го прави овој Амарок специјален е токму товарниот дел каде што има врвна аудио: миксета Xone 92 Allen & Heath DJ, CD плеери Pioneer CDJ900NXS, два звучници VOID ACOUSTICS специјално направени за брендот Volkswagen Комерцијални возила, Stasys Xair саб-вуфер и многу повеќе!

Kaj Amarok Power вграден е најновиот 3-литарски V6 TDI мотор кој испорачува 272 коњски сили и 600 Nm вртежен момент, а моќта се пренесува преку 8-степениот автоматски менувач. Amarok „Power“забрзува од 0 до 100 km/h 7.9 секунди, a максималната брзина изнесува 210 km/h.