Ангел Ситновски, колекционер и рокер: „Мојата колекција на плочи и ЦД-а брои безмалку десетина илјади“

Што ви е омилено од колекцијата? Што е најинтересното нешто што го поседувате?

Во колекцијата имам плочи од рок, особено оној прогресивниот рок, блуз и џез, а имам и неколку стотини наслови на класична музика. Секако, тука е и брат ми Здравко Ситновски - Ситна, помал малку по години, но исто така со голема колекција на ЦД-а.

Имав своја радио емисија најнапред на Скај радио, а подоцна на радио Равел каде што неколку години ја водев двочасовната емисија „Рок приказни“.

Многумина од моите другари се големи колекционери, така што честопати слушаме заедно музика или одиме на концерти.

Со превласт на дигиталните формати и фамозните МР3 формати, музичкото колекционерство како да стана архаичен поим. Многумина слушаат музика на своите телефони, на компјутерите и таблетите слушаат Youtube, но тоа не е тоа.

Винилот и грамофонот, барем за мене, му даваат една топлина  на домот и кога дома слушам музика се чувствувам прекрасно. Сè уште знам да го одвртам посилно потенциометарот на засилувачот и да, понекогаш им засметувам на соседите. 

Кои се предизвиците да се биде колекционер во Македонија?

За среќа, последниве години започна будење и се случува голем светски ривајвл на винилите, се реиздаваат многу култни албуми на винил и се постигнуваат нови рекорди во нивна продажба и колекционерството се враќа.

Музички изданија купувам за мене, да ги слушам сам додека работам на моите проекти, или од време на време да слушам музика со пријатели.  Колекционерството е истражување, секогаш откриваш нова музика, нови музичари.

Кај нас е потешко да се најдат многу работи, а за нас и сè е поскапо. Но, и покрај толку поминати години кои останаа позади мене и покрај сите овие турбулентни времиња не се откажав од купување на мојата музика.

Ако и вие сте колекционер и сакате да ја споделите вашата колекција и приказна со нашите читатели, пишете ни на Оваа е-адреса е заштитена од спамботови. Треба да ви е овозможено JavaScript за да ја видите.

© CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело