Лора од Скопје волонтираше на Бали: „Предавав англиски на деца, сакав да им помогнам бидејќи немаат услови“

Какви се локалците и како бевте прифатени како волонтери? Имаше ли волонтери од други земји?

Една од најзначајните аспекти на моето волонтирање на Бали беше топлината и гостопримството со кои бев прифатена од локалната заедница.

Волонтерите од различни земји се прифаќаат со отворени раце, а моето искуство не беше исклучок.

Од моментот кога пристигнав на Бали, бев пречекана со насмевки и искрена добредојденост. Локалните жители беа многу љубезни и пријателски настроени.

Тие покажаа искрен интерес за моето потекло, културата и причините за моето волонтирање. Ова чувство на прифаќање ми помогна брзо да се адаптирам на новата средина и да се чувствувам како дел од заедницата.

Работата со децата во училиштата на Бали беше многу повеќе од едноставно предавање на англиски јазик.

Тоа беше културна размена, каде што и јас и децата учевме едни од други. Јас им пренесував знаење за мојата култура и јазик, додека тие ме запознаваа со нивната култура, традиции и секојдневие.

Локалните жители на Бали се навикнати да примаат волонтери од разни земји, бидејќи многу меѓународни организации и програми за волонтирање работат на островот.

Волонтерите често се гледаат како значаен дел од заедницата, кои придонесуваат кон подобрување на условите за живот и образованието.

Бев изненадена од колку многу локалните жители ценат и почитуваат трудот на волонтерите.

Имаше волонтери од цел свет, најмногу од Франција и Холандија, а имаше и од Австралија и Нов Зеланд, сите се дружевме, со некои и останавме до денес во контакт.

Дали би волонтирала повторно?

Без двоумење, уште утре би се вратила на Бали, но би сакала и да одам на некое ново место, размислував за Африка или Нов Зеланд и Австралија.

Ова искуство беше трансформативно, и не само што им помогнав на децата, туку и самата научив многу.

Бали е место каде што се чувствував како дома, и би сакала повторно да го доживеам тој дух на заедништво и споделување.

Што би им порачала на оние кои би сакале да волонтираат во друга земја?

За сите млади луѓе кои размислуваат за волонтирање, еве неколку препораки:

- Не се плашете да излезете од Вашата комфорна зона.

- Подгответе се добро. Истражете го местото каде што планирате да волонтирате и бидете подготвени за културните и логистичките предизвици. Ова ќе ви помогне полесно да се адаптирате и да бидете поефективни.

- Бидете отворени за учење. Волонтирањето не е само за давање, туку и примање. Бидете отворени за нови искуства и учења од луѓето и културата со која се среќавате, и тоа ќе ве направи многу посреќни.

- Може да одите и ако работите онлајн. Додека еден дел од денот го посветувате на волонтирање, другиот дел може да работите. Имаше многу волонтери кои го правеа истото.

Споделете го Вашето искуство, како што јас го споделувам со вас и станете инспирација за некој друг да направи добро дело!

Не се плашете да го направите првиот чекор – светот ве чека!

©CRNOBELO.com Забрането преземање и копирање. Крадењето на авторски текстови е казниво со закон.

Софија Спирова | Црнобело