Скопјанката Анамарија досега посетила 24 земји: „Бали ми е најубав, камила во Египет ми легна во скут“

Би рекла дека најубавите плажи што ги видов беа на Малдиви, особено плажите на ресортите, каде водата е кристално чиста.

Малдиви имаат скоро 1.200 острови, а ние посетивме неколку од нив.

Посебно во сеќавање ми остана едно малечко островче каде што бевме само јас, сопругот и фотографот.

Беше неверојатно – ситен песок, пречиста вода и можеше да се види сè под површината. Тоа беше вистинска уживанција.

Инаку, на патување не тргнувам без телефон, слушалки, пасош, патничко осигурување, фотоапарат и паричник - ова се моите must haves.

Колку време ми треба да се спакувам зависи од типот на одморот.

За секој ден обично си планирам што ќе носам, едно за преку ден и едно парче или комбинација за вечерта, бидејќи често многу пешачиме.

Не ми е мака да изберам облека за да имам различен стајлинг на фотографиите.

Интересно ми е и уживам да креирам различни изгледи кои одговараат на мојот личен стил и вкус.

Обично се инспирирам од дестинациите што ги посетувам и од околината во која се наоѓам.

Моите облеки не се прескапи и не сакам да инвестирам во скапа облека.

Повеќе внимание посветувам на чанти и патики, бидејќи сметам дека тие се подолготрајни.

Се трудам да комбинирам веќе постоечка облека со неколку нови парчиња.

Не губам многу време во барање на што да носам, но поминувам време во истражување каде следно ќе патувам.

Лично, не се разочарувам ако фотографиите не се какви што ги замислувам.

Мојот сопруг е многу стрплив и ми прави прекрасни слики, па ретко добивам лоши фотографии.

За мене е важно да ги споделам убавините со пријателите, и понекогаш тоа може да биде предизвик кога треба да ги одберам најдобрите слики.

Моето задоволство не зависи од сликите, туку од можноста да патувам, да ги видам различните култури, да ги искусам сите убави моменти со личноста која ја сакам и да се радувам на секој момент од моите патувања.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело