Како до модерен дом во морнарски стил?

Морнарскиот стил на уредување се одликува со свежината на летото, романтичен дух и разиграност, па можеби токму поради тоа е еден од најактуелните оваа сезона.

Овој стил може да го примените во ентериерот, но и во дворот или терасите. Доколку ова лето не одите на море, тогаш секојдневно уживајте во морнарското домашно катче.

Главни одлики на овој стил се темно сина и бела боја, пруги, сидро, бродови, школки и сè што потсетува на лето и море.

Мебелот секогаш мора да биде едноставен, со обични линии и дезени, а можете да си поиграте со дезените на перничките, завесите или теписите.

Сите сувенири нека бидат во облик на школки, сидра или гуми доколку сакате да постигнете вистински ефект. Поиграјте си со сите нијанси на сината, кремастата и темно црвената.

Ова се неколку предлози во што може да ја претворите дневната соба, кујната, спалната или пак терасата.